ເຂື່ອນນໍ້າເອົ້າຈະສືບຕໍ່ ກໍ່ສ້າງ

ມະນີຈັນ
2018.06.15
Share on WhatsApp
Share on WhatsApp
F-Nam-Ao ດິນແລະຕົມ ທີ່ໄຫລລົງມາຈາກເຂື່ອນແຕກ ຖ້ວມໄຮ່ນາ ບ້ານເຮືອນ ຂອງປະຊາຊົນ
Courtesy of FB friend

ທາງການ ສປປລາວ ຍັງຈະອະນຸຍາດ ໃຫ້ບໍຣິສັດບໍ່ທອງ ອິນເຕີ ກຣຸບ ສືບຕໍ່ດໍາເນີນໂຄງການ ກໍ່ສ້າງເຂື່ອນນໍ້າເອົ້າ ຢູ່ເມືອງຜາໄຊ ແຂວງ ຊຽງຂວາງ ທີ່ໄດ້ແຕກໄປນັ້ນຕໍ່ໄປ ຍ້ອນວ່າເປັນເຂື່ອນທີ່ຈະ ສາມາດຜລິດກະແສໄຟຟ້າໄດ້ 15 ແມັກກາວັດ ຂນະທີ່ໂຄງການເຂື່ອນຂນາດ ຫລຸດຈາກນີ້ ໄດ້ຖືກສັ່ງໃຫ້ໂຈະ; ດັ່ງເຈົ້າໜ້າທີ່ຜແນກພລັງງານແລະບໍ່ແຮ່ ແຂວງຊຽງຂວາງ ກ່າວຕໍ່ RFA ວ່າ:

"ຕໍ່າກວ່າ 15 ເມກ ເພີ່ນໃຫ້ໂຈະນໍ ແຕ່ວ່າໂຕນີ້ 15 ເມກກະສິໃຫ້ສືບຕໍ່ ໂຕເກົ່າຫັ້ນຂະເຈົ້າປະເລີຍນໍ ຂະເຈົ້າບໍ່ເຮັດ ແລ້ວຂະເຈົ້າຈົກຄອງ ໃໝ່ຊັ້ນນະ ເຮັດຄອງໃໝ່ນະ ກະຈັ່ງວ່າຍັງໂທຫາ ປະສານຫັ້ນ ຢາກໄດ້ຂໍ້ມູນນໍ."

ທ່ານກ່າວຕື່ມວ່າ ຫລັງຈາກເຂື່ອນດັ່ງກ່າວ ແຕກເມື່ອເດືອນກັນຍາປີກາຍ ມາຮອດປັດຈຸບັນ ມີຣາຍງານວ່າທາງບໍຣິສັດ ກໍາລັງລົງມື ສ້າງ ເຂື່ຶອນໃໝ່. ແຕ່ເຂົາຍັງບໍ່ທັນສົ່ງບົດຣາຍງານ ກ່ຽວກັບຄວາມ ຄືບໜ້າ ຂອງການສ້າງນັ້ນ ໃຫ້ເຈົ້າໜ້າທີ່ ພາກສ່ວນທີ່ກ່ຽວຂ້ອງຊາບ ພາຍຫລັງບໍ່ໄດ້ສົ່ງໃຫ້ຕັ້ງແຕ່ ຕົ້ນປີນີ້ມາ.

ໂຄງການສ້າງເຂື່ອນໄຟຟ້ານໍ້າເອົ້າ ຖືກຂຍາຍເວລາກໍ່ສ້າງ ອອກໄປຕື່ມ ຊຶ່ງຄາດວ່າຈະສໍາເຣັດໃນປີ 2019 ຄືສ້າງບໍ່ແລ້ວຕາມແຜນເດີມ ທີ່ວ່າຈະໃຫ້ ສໍາເຣັດ ແລະທໍາການຜລິດ ກະແສໄຟຟ້າ ພາຍໃນປີ 2018 ນີ້.

ເມື່ອບໍ່ດົນມານີ້ ກະຊວງພລັງງານແລະບໍ່ແຮ່ ສປປລາວ ໄດ້ອອກແຈ້ງການ ບໍ່ໃຫ້ອະນຸມັດ ໂຄງການສ້າງເຂື່ອນ ໄຟຟ້າທີ່ມີກໍາລັງການຜລິດ ຕໍ່າກວ່າ 15 ແມັກກາວັດ ແລະໃຫ້ກວດກາດ້ານເຕັກນິກ ຂອງໂຄງການ ທີ່ອະນຸມັດໄປແລ້ວນັ້ນຄືນຍ້ອນວ່າທີ່ຜ່ານມາ ໂຄງການສ້າງເຂື່ອນ ຂນາດນ້ອຍ ກໍ່ສ້າງ ບໍ່ສອດຄ່ອງກັບມາດຕະຖານ ຂອງທາງການ ທີ່ໄດ້ກໍານົດໄວ້, ເຮັດໃຫ້ເຂື່ອນ ມີຄຸນນະພາບ ຕໍ່າແລະເກີດອຸບັດຕິເຫດ ຮ້າຍແຮງ ໂດຍສະເພາະ ເຂື່ອນນໍ້າເອົ້າ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ