ຊາວເມືອງຄໍາເກີດທີ່ຖືກນໍ້າຖ້ວມ ຍັງລໍາບາກ


2013-11-17
Share
F-default ຊາວເມືອງຄໍາເກີດທີ່ຖືກນໍ້າຖ້ວມ ຍັງລໍາບາກ
RFA

 

ຊາວເມືອງຄໍາເກີດເວົ້າວ່າ ຫລັງຈາກທີ່ຫລາຍໝູ່ບ້ານ ຖືກນໍ້າຖ້ວມ ເມື່ອເດືອນຕຸລາ ຜ່ານມານີ້ ບ້ານເຮືອນແລະໄຮ່ນາເສັຽຫາຍໜັກ ມາຮອດ ປັດຈຸບັນກໍຍັງບໍ່ໄດ້ຮັບການຊ່ວຍເຫລືອ ຈາກຣັຖບານ ເຖິງແມ່ນວ່າ ອໍານາດການປົກຄອງແຂວງ ໄດ້ເອີ້ນຫົວໜ້າບ້ານ ໄປປະຊຸມເພື່ອຫາວິທີ ແກ້ໄຂກໍດີ.ດັ່ງຊາວບ້ານ ເວົ້າວ່າ:

"ຍັງບໍ່ທັນມີ ແຕ່ທາງນາຍບ້ານເພິ່ນໄປປະຊຸມຢູ່ແຂວງ ເພິ່ນວ່າຊິ່ມີໂຄງການມາຊ່ວຍເຫລືອ ໃຫ້ເອົານໍ້າເຂົ້າ ປະຊາຊົນເຮັດນາແຊງວ່າ ຊັ້ນເດ້ ກໍຍັງບໍ່ທັນຊ່ວຍ ປະຊາຊົນ ນັ້ນຍັງບໍ່ທັນ".

ຊາວບ້ານເວົ້າກັບເອເຊັຽເສຣີວ່າ ບ້ານທີ່ລາວຢູ່ນັ້ນ ມີປະຊາຊົນທັງໝົດ 1,000 ກວ່າຄົນ ເປັນຊາວນາປູກເຂົ້າກິນ. ຫລັງຈາກຖືກນໍ້າຖ້ວມແລະ ນໍ້າກໍບົກມາໄດ້ 1 ເດືອນແລ້ວກໍຍັງບໍ່ສາມາດ ຟື້ນໂຕໄດ້ເປັນປົກກະຕິ. ໃນຂະນະດຽວກັນ ຊາວບ້ານທີ່ຖືກນໍ້າຖ້ວມ ໃນເຂດໃກ້ຄຽງກັນນັ້ນ ກໍ ເວົ້າວ່າການທີ່ ທາງການມີແຜນຈະແຈກແນວພັນເຂົ້າສໍາລັບເຮັດນາແຊງນັ້ນ ບໍ່ຖືກກັບຈຸດປະສົງຂອງຊາວບ້ານໃນເຂດນັ້ນ ຍ້ອນວ່າປັດຈຸບັນ ທົ່ງນາຫລາຍທົ່ງ ຖືກດິນແລະຫີນເຈື່ອນຖົມຢູ່:

"ໂຕນີ້ກໍຢາກໃຫ້ທາງຂັ້ນເທິງ ຄົ້ນຄວ້າເບິ່ງວ່າ ຈິດໃຈຂອງປະຊາຊົນ ເຂົາຢາກໄດ້ເງິນມາຊື້ເຂົ້າກິນນີ້ນ່າ ຄັນສີ່ປູກແທນໂຕນັ້ນ ຖືວ່າດຽວນີ້ກໍ ຫລ້າສວາຍແລ້ວ ບໍ່ງາມມັນບໍ່ມີນໍ້າຫົດ ມັນບໍ່ງາມ ປະຊາຊົນເຂົາສະເໜີ ແນວນັ້ນ ກໍສເໜີໄປແຕ່ທາງເມືອງເພິ່ນກໍ..ເວົ້າລວມໆໄປ ເພິ່ນບໍ່ເອົາ ໃຈໃສ່ຫັ້ນໜ່າ".

ນໍ້າຖ້ວມຄັ້ງໃຫ່ຽຢູ່ເຂດເມືອງຄໍາເກີດ ແຂວງບໍຣິຄໍາໄຊ ເມື່ອເດືອນຕຸລາ ຜ່ານມາຊາວບ້ານເວົ້າວ່າ ແມ່ນຍ້ອນຝົນຕົກໜັກສົມທົບກັບເຂື່ອນນໍ້າ ເທີນ2ປ່ອຍນໍ້າອອກຈາກເຂື່ອນພ້ອມໆກັນ 5 ປະຕູ ເຮັດໃຫ້ນໍ້າຖ້ວມ 20 ກວ່າບ້ານ ແລະມີ 7 ບ້ານທີ່ໄດ້ຮັບຜົນ ກະທົບໜັກ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ