ໄທຍ ຕຣຽມເຊັນສັນຍາ ຊື້ໄຟຟ້າຈາກ 2 ເຂື່ອນ ໃນລາວ

ອຸ່ນແກ້ວ
2022.03.17
Share on WhatsApp
Share on WhatsApp
ໄທຍ ຕຣຽມເຊັນສັນຍາ ຊື້ໄຟຟ້າຈາກ 2 ເຂື່ອນ ໃນລາວ ການກໍ່ສ້າງຂົວ ຂ້າມແມ່ນ້ຳຂອງ ມີຄວາມຄືບໜ້າໄປຫຼາຍແລ້ວ ເພື່ອກະຕຣຽມກໍ່ສ້າງ ເຂື່ອນຫຼວງພຣະບາງ ທີ່ເຂດບ້ານຫ້ວຍຢໍ້, ເມືອງຈອມເພັດ ແຂວງຫຼວງພຣະບາງ (TS), ເດືອນທັນວາ ປີ 2021.
RFA

ທາງ​ການ​ໄທ​ຍ ຕ​ຣຽມລົງ​ນາມຊື້-ຂາຍ​ໄຟ​ຟ້າ ​ຈາກ​ເຂື່ອນໄຟຟ້າ ​ຫລວງ​ພ​ຣະ​ບາງ ແລະ ເຂື່ອນ​ໄຟຟ້າ ປາກ​ແບງ, ແຕ່ ພາກ​ປະ​ຊາ​ສັງ​ຄົມ ໄທ​ຍ ແລະ ລາວ ເຫັນ​ວ່າ ບໍ່​ຄວນ​ລົງ​ນາມ​ຊື້. 

ທາງ​ການ​ໄທ​ຍ ຕ​ຣຽມ​ລົງ​ນາມ​ຊື້​ຂາຍ​ໄຟ​ຟ້າ ຫຼື Tariff MOU ຈາກ​ໂຄງ​ການ​ເຂື່ອນ​ໄຟ​ຟ້າ ​ຫລວງ​ພ​ຣະ​ບາງ, ເຂື່ອນ​ປາ​ກ​ແບງ ໃນ​ເດືອນ  ​ພຶສ​ພາ 2022 ເຊິ່ງ​ເຂື່ອນ​ດັ່ງ​ກ່າວ ເປັນ​ເຂື່ອນ​ສ້າງ​ໃສ່​ແມ່​ນ້ຳ​ຂອງ, ອີງ​ຕາມ​ຂໍ້​ມູ​ນ​ຂອງ​ກະ​ຊວງ​ພ​ລັງ​ງານ​ຂອງ​ໄທ​ຍ ທີ່​ເຜີຍ​ແຜ່​ໃນ​ວັນ​ທີ 9 ມີ​ນາ ທີ່​ຜ່ານ​ມາ.

ໃນ​ຂະ​ນະ​ທີ່ ຝ່າຍ​ລາວ ແລະ ບໍ​ຣິ​ສັດ ຜູ້​ພັ​ທ​ນາ​ໂຄງ​ການ ກໍ​ໄດ້​ຕ​ຣຽມຄວາມ​ພ້ອມ ​ໃນ​ການກໍ່​ສ້າງ​ເຂື່ອນ​ໄຟ​ຟ້າ​ ທັງ 2 ໂຄງ​ການ​ໄວ້​ແລ້ວ ເມື່ອ​ມີ​ການ​ເຊັນ​ລົງ​ນ​າມ​ຊື້​ຂາຍ​ໄຟ​ຟ້າ ຢ່າງ​ເປັນ​ທາງ​ການ ກໍ​ສາ​ມາດ​ດຳ​ເນີນ​ການກໍ່​ສ້າງ​ໄດ້​ທັນ​ທີ​ ໃນ​ປີ 2022.

ເຈົ້າ​ໜ້າ​ທີ່ ກະ​ຊວງ​ພ​ລັງ​ງານ ແລະ ບໍ່​ແຮ່ ທ່ານ​ນຶ່ງ ໄດ້​ກ່າວ​ຕໍ່ ​ເອ​ເຊັຽ​ເສ​ຣີ ໃນ​ວັນ​ທີ 17 ມີ​ນາ ວ່າ:

ຣາຍລະອຽດຂອງແຕ່ລະໂຄງການຫັ້ນເນາະ ມັນກະມີຄວາມຄືບໜ້າຊິນ່າ ຄັນໂຕໃດ ທີ່ຍັງຄ້າງ ຂະເຈົ້າກະຕ້ອງໄດ້ດຳເນີນການຕໍ່ ແຕ່ວ່າ ໄປດຳເນີນ ການທາງດ້ານເອກສານໃຫ້ມັນເປັນໄປຕາມລະບຽບການຫັ້ນ ແລ້ວ ກະເບື້ອງໄທ ກໍຈະກຳນົດເນາະວ່າ ໂຄງການແຕ່ລະໂຄງການຈະເຂົ້າໄປໄດ້ຈັ່ງໃດຫັ້ນນ່າ.”

ເຈົ້າ​ໜ້າ​ທີ່ ທ່ານນີ້ ກ່າວ​ຕື່ມ​ອີກວ່າ ການ​ລົງ​ນາມ​ຊື້​ຂາຍ​ໄຟ​ຟ້າ ຫຼື Tariff MOU ຊັກ​ຊ້າ ກໍ​ຍ້ອນ​ວ່າ ເຂື່ອນປາກ​ແບງ ມີ​ການ​ປັບ​ແກ້​ເຣື່ອງ​ໂຄງ​ສ້າງ​ ຂອງ​ເຂື່ອນ​ຄືນ​ໃໝ່, ສ່ວນ​ເຂື່ອນ​ຫລວງພ​ຣະ​ບາງ ກຳ​ລັງ​ຢູ່​ລະ​ຫວ່າງ ການ​ສຶກ​ສາ​ຜົ​ລ​ກະ​ທົບ ຕໍ່​ເມືອ​ງ​ມໍ​ຣະ​ດົກ​ໂລກ ຕາມ​ຂໍ້​ກຳ​ນົດ​ຂອງ UNESCO ເຊິ່ງ​ຍັງ​ບໍ່​ທັນ​ສຳ​ເຣັດ​ນັ້ນ ຝ່າຍ​ລາວ ບອກວ່າ ກໍ​ຈະ​ດຳ​ເນີນ​ການ ​ໃຫ້​ສຳ​ເຣັດ​ໄປ​ຕາມ​ລະ​ບຽບ​ການ.

ສຳ​ລັບ ອັດ​ຕ​ຣາ​ຄ່າ​ໄຟ​ຟ້າ ທີ່​ຈະ​ມີ​ການ​ລົງ​ນາມ ຊື້​ຂາຍ​ໃນ​ອີກບໍ່​ດົນ​ນີ້ ກະ​ຊວງ​ພ​ລັງ​ງານຂອງ​ໄທ​ຍ ພິ​ຈາ​ຣະ​ນາ ເຫັນ​ດີ ຊື້​ຂາຍ​ໄຟ​ຟ້າ​ ຈາກ​ໂຄງ​ການ​ເຂື່ອນ​ໄຟ​ຟ້າ​ຫລວງ​ ພ​ຣະ​ບາງ ລາ​ຄາປະ​ມານ 2.8 ບາດ​ຕໍ່​​ໜ່ວຍ ກຳ​ນົດ​ຈ່າຍເຂົ້າ​ລະ​ບົບ ເດືອນ​ມົກ​ກະ​ຣາ 2030 ແລະ ໂຄງ​ການ​ເຂື່ອນ​ປາກ​ແບງ ລາ​ຄາ​ປະ​ມານ 2.9 ບາດ​ຕໍ່​ໜ່ວຍ ກຳ​ນົດ​ຈ່າຍ​ເຂົ້າ​ລະ​ບົບ ເດືອນ​ມົກ​ກະ​ຣາ 2033 ໃນ​ອັດ​ຕ​ຣາ​ຄ່າ​ໄຟ​ຟ້າ​ຄົງ​ທີ່​ຕ​ລອດ​ອາ​ຍຸ​ສັນ​ຍາ. 

ສ່ວນ​ການ​ຖື​ຮຸ້ນ ຝ່າຍ​ລາວ ໄດ້​ມອບ​ໃຫ້​ຣັ​ຖວິ​ສາ​ຫະ​ກິ​ຈ​ໄຟ​ຟ້າ​ລາວ ຫຼື EDL ເປັນ​ຜູ້​ດຳ​ເນີນ​ການ​ ແຕ່​ຈະ​ຢູ່​ໃນ​ສັດ​ສ່ວນ​ທໍ່​ໃດ​ນັ້ນ ຍັງ​ຕ້ອ​ງ​ລໍ​ຖ້າ ການ​ລົງ​ນາມ​ຊື້​ຂາຍ​ໄຟ້ຟ​າ ຫຼື Tariff MOU ຢ່າງ​ເປັນ​ທາງ​ການ​ກ່ອນ.

ກ່ຽວ​ກັບ​ເຣື່ອງນີ້ ພາກ​ປະ​ຊາສັງ​ຄົມ​ໃນ​ໄທ​ຍ ແລະ ລາວ ກໍ​ເຫັນ​ກົງ​ກັນ​ວ່າ ຍັງ​ບໍ່​ຢາກ​ໃຫ້ຮີບ​ດ່ວນ ລົງ​ນາມ​ຊື້​ຂາຍ​ໄຟ​ຟ້າ ຍ້ອນ​ກັງ​ວົນ​ເຣື່ອງ​ຜົ​ລ​ກະ​ທົບ​ຕໍ່​ສິ່ງ​ແວ​ດ​ລ້ອມ ແລະ ສັງ​ຄົມຮວມ​ເຖິງ​ຜົ​ລກ​ະ​ທົບ​ຂ້າມ​ພົມ​ແດນ ທີ່​ນັບ​ມື້​ຈະ​ທະ​ວີ​ຄວາມ​ຮຸນ​ແຮງ​ຂຶ້ນ ໂດຍ ຢາກ​ໃຫ້​ທາງ​ການ​ໄທ​ຍ ພິ​ຈາ​ຣະ​ນາ​ການ​ລົງ​ນາມ​ ຊື່ ຂາຍ​ໄຟ​ຟ້າ​ຄືນ​ໃໝ່.

ທ່ານ ຫານ​ນະ​ຣົງ ເຍົາ​ວະ​ເລີດ ປະ​ທານ​ມູ​ລ​ນິ​ທິ ເພື່ອ​ການ​ບໍ​ຣິ​ຫານ​ຈັດການນໍ້າ​ ແບບ​ບູ​ຣະ​ນາ​ການ​ປະ​ເທດ​ໄທ​ຍ ໄດ້ກ່າວ​ຕໍ່​ເອ​ເຊັຽ​ເສ​ຣີ ໃນ​ວັນ​ທີ 17 ມີ​ນາ ວ່າ:

ທີ່ຈິງຄືເຮົາບໍ່ເຫັນດີກັບການສ້າງເຂື່ອນ ທີ່ສຳຄັນກໍຄື ລໍຖ້າໃຫ້ຣາຍງານສຳເຣັດກ່ອນ ໄດ້ແລ້ວ ຄ່ອຍເຊັນສັນຍາ ເພາະວ່າ ທັງເຂື່ອນ ປາແປງມັນມີມາການຂອງການປັບປຸງ ທັງເຣືອງຂອງເທັກນິກ ແລ້ວສ່ວນ ກໍຣະນີ ຂອງເຂື່ອນຫລວງຣະບາງ ທີ່ເຂົາກັງວົນຫຼາຍ ກະຄື ຜົກະທົບຕໍ່ມໍຣະດົກໂລກ ບໍ່ຈຳເປັນຕ້ອງຮີບຮ້ອນເຊັນສັນຍາຮັບຊື້ໄຟຟ້າ.”

ທ່ານ ຍັງ​ກ່າວ​ຕື່ມ:

ການລົງນາມ​​ຊື້ຂາຍໄຟຟ້າ ຈາກເຂື່ອນປາກແບງ ແລະ ເຂື່ອນ​​ຫລວງຣະບາງ ໂດຍທີ່ຣາຍງານເຣື່ອງເຕັກຂອງເຂື່ອນປາກແບງ ແລະ ການສຶກສາຜົທົບຕໍ່ເມືອງມໍດົກໂລກ ຫລື ການປະເມີນຜົກະທົບຕໍ່ມໍຣະດົກໂລກ ຕາມຂໍ້ກຳນົດຂອງ UNESCO ເຊິ່ງຍັງບໍ່ທັນສຳເຣັດນັ້ນ ຖືເປັນເຣື່ອງທີ່ບໍ່ມີວາມຮັບຜິດຊອບ ແລະ ເອື້ອຜົໂຍດ ໃຫ້ກັບບໍຣິສັດຜູ້ພັນາໂຄງການຈົນເກີນໄປ.”

ສິ່ງ​ທີ່​ຊາວ​ບ້ານ ທັງ​ໃນ​ລາວ ແລະ ໄທ​ຍ ກັງ​ວົນ​ກ່ຽວ​ກັບ​ການກໍ່​ສ້າງ ເຂື່ອນ​ໃນ​ແມ່​ນ້ຳ​ຂອງ​ທີ່​ສຸດ ແລະ ພະ​ຍາ​ຍາມ ຮຽກ​ຮ້ອງ​ໃຫ້​ຢຸດ​ເຊົາ​ມາ​ໂດຍ​ຕ​ລອດ ກໍ​ຄື ຕ້ອງ​ຄຳ​ນຶງ ​ເຖິງ ຜົ​ລ​ກະ​ທົບ​ຕໍ່​ສິ່ງ​ແວດ​ລ້ອມ ແລະ ສັງ​ຄົມ ເນື່ອງ ຈາກ​ຈະ​ເຮັດ​ໃຫ້​ວິ​ຖີ​ຊີ​ວິດ, ວັ​ທ​ນະ​ທັມ, ອາ​ຊີບ ແລະ ແຫຼ່ງ​ສະ​ບຽບ​ອາ​ຫານຂອງ​ຊາວ​ບ້ານ ເກີດ​ການ​ປ່ຽນ​ແປງ​ໄປ​ໃນ​ທິດ​ທາງ​ລົບ.

ຕາງ​ໜ້າ​ກຸ່ມ​ຮັກ​ຊຽງ​ຂອງ ແຂວງ​ຊຽງ​ຮາຍ ປະ​ເທດ​ໄທ​ຍ ກ່າວ​ຕໍ່​ເອ​ເຊັຽ​ເສ​ຣີ ໃນ​ວັນ​ທີ 17 ມີ​ນາ ວ່າ:

ເຂົາກະບໍ່ຟັງ ຢູ່ແລ້ວເນາະ ເຣື່ອງລາວປວັດສາດ ໃນເມືອງມໍຣະດົກໂລກ ນິເວດ ວັນະທັມຕ່າງໆ ເຂົາບໍ່ສົນໃຈແລ້ວ ແມ່ນ້ຳຂອງນີ້ ມັນເປັນແມ່ນ້ຳສາທາຣະນະ ຜູ້ຄົນຕ້ອງໄດ້​ໃຊ້ໂຍດ ຂະບວນການຮັບຟັງຄວາມຄິດເຫັນລ່ວງໜ້າ ຫຼື PNPCA ມັນກະເປັນແຕ່ພິທີກັມ.”

ຢ່າງ​ໃດ​ກໍ​ຕາມ ເຄື່ອ​ຂ່າຍ​ພາກ​ປະ​ຊາ​ສັງ​ຄົມໄທ​ຍ ຍັງ​ຈະ​ສືບ​ຕໍ່ ເພື່ອ​ຄັດ​ຄ້ານ​ການ​ລົງ​ນາມ ຊື້​ຂາຍ​ໄຟ​ຟ້າ​ຕໍ່​ໄປ ໂດຍ​ຈະ​ມີ​ການ​ຫາ​ລື​ກັບ​ເຄື່ອ​ຂ່າຍ​ຕ່າງໆ ເພື່ອ​ອອກ​ຖ​ແລງ​ການ​ກ່ຽວ​ກັບ​ເຣື່ອງນີ້​ໃນ​​ອີກບໍ່​ດົນນີ້.

ສ່ວນ​ວ່າ​ ຊາວ​ບ້ານ​ຢູ່​ເມືອງ​ປາກ​ແບງ ແຂວງ​ອຸ​ດົມ​ໄຊ ກໍ​ບໍ່​ຢາກ​ໃຫ້​ສ້າ​ງ​ເຂື່ອນ​ໄຟ​ຟ້າ​ໃສ່​ແມ່​ນ້ຳ​ຂອງ ເພາະ​ເປັນ​ເຂື່ອນ​ຂ​ນາດ​ໃຫຍ່ ທີ່​ຈະ​ສົ່ງ​ຜົ​ລ​ກະ​ທົບຕໍ່ວິ​ຖີ​ຊີ​ວິດ​ຂອງ​ຊາວ​ບ້ານ ໂດຍ ສະ​ເພາະ​ເຣື່ອງ​ການ​ເດີນ​ເຮືອ, ການ​ກະ​ເສດ ແລະ ການ​ຫາ​ປາ​ຢູ່​ແມ່​ນ້ຳ​ຂອງ.

ຊາວ​ບ້ານ ​ເມືອງ​ປາກ​ແບງ ແຂວງ​ອຸ​ດົມ​ໄຊ ໄດ້ກ່າວ​ຕໍ່​ເອ​ເຊັຽ​ເສ​ຣີ ໃນ​ວັນ​ທີ 17 ມີ​ນາ ວ່າ:

ຄັດຄ້ານກະມີແຕ່ປະຊາຊົນແລ້ວ ຂະເຈົ້າຄັດຄ້ານຫັ້ນແຫຼະ ກະບໍ່ຢາກໃຫ້ເຮັດຫັ້ນແລ້ວ ຜູ້ທີ່ມັນກະທົບຫັ້ນນ່າ ແຕ່ປະຊາຊົນມັນກະໄດ້ເວົ້າກັນຊື່ໆ ນີ້ແຫຼະ ບ້ານເຮົານ່າ.”

ການ​ສ້າງ​ເຂື່ອນ​ໃສ່​ແມ່​ນ້ຳ​ຂອງ​ເຮັດ​ໃຫ້​ພັນ​ປາຫຼຸດ​ລົງ ແລະ ສົ່ງ​ຜົ​ລ​ກະ​ທົບ​ຕໍ່​ແຫຼ່ງ​ສະ​ບຽງ​ອາ​ຫານ. 

ຊາວ​ເມືອງ​ຈອມ​ເພັດ ແຂວງ​ຫລວງ​ພ​ຣະ​ບາງ ໄດ້​ກ່າວ​ຕໍ່​ເອ​ເຊັຽ​ເສ​ຣີ ໃນ​ວັນ​ທີ 17 ມີ​ນາ ວ່າ:

ຜົກະທົບຫຼາຍໃດ ຂະເຈົ້າກະບໍ່ຢາກໃຫ້ເຮັດປານໃດ ປະຊາຊົນນີ້ກະ ອາໃສການຫາປານີແລ້ວ ເປັນສ່ວນໃດສ່ວນນຶ່ງ ເພື່ອລ້ຽງຄອບຄົວຄົວເນາະຖືກວ່າ ຫາປາກະໄດ້ດີຢູ່ ຄັນສ້າງເຂື່ອນແລ້ວ ກະຊິບໍ່ໄດ້ຫາຫັ້ນແລ້ວ ຜົກະທົບບໍ່ແມ່ນໜ້ອຍໆແລ້ວ ຄັນໄດ້ສ້າງຂຶ້ນກະດາຍ.”

​ເຂື່ອນ​ປາກ​ແບງ ມີ​ກຳ​ລັງ​ການຜ​ລິດ 912 ເມ​ກາ​ວັດ ຕັ້ງ​ຢູ່​ບ້ານ​ປາກ​ເງີຍ ເມືອງ​ປາກ​ແບງ ແຂວງ​ອຸ​ດົມ​ໄຊ ມີ​ແຜນ​ຂາຍ​ໄຟ​ຟ້າ​ໃຫ້​ໄທ​ຍ ປ​ະ​ມານ 90 ເປີ​ເຊັນ ແລະ 10 ເປີ​ເຊັນ ນຳ​ໃຊ້​ພາຍ​ໃນ​ປະ​ເທດ​ລາວ ໂດຍ ມີ​ບໍ​ຣິ​ສັດ China Datang Oversea Investment ປະ​ເທດ​ຈີນ ເປັນ​ຜູ້​ພັ​ທ​ນາ​ໂຄງ​ການ ທີ່​ມີ​ມູນ​ຄ່າ​ລົງ​ທຶນ​ປະ​ມານ 2 ຕື້ ປາຍ​ໂດ​ລາຣ໌. 

ການ​ປະ​ເມີນຜົ​ລ​ກະ​ທົບ​ ທາງ​ສັງ​ຄົມຂອງ​ໂຄງ​ການ​ເຂື່ອນ​ປາກ​ແບງ ໄດ້​ລະ​ບຸ​ວ່າ ຈະ​ມີ​ຊາວ​ບ້ານ​ 900 ປາຍ ຄອ​ບ​ຄົວ ເທົ່າ​ກັບ 4,700 ຄົນ ຢູ່ 26 ບ້ານ ໃນ​ແຂວງ​ອຸ​ດົມ​ໄຊ, ໄຊ​ຍະ​ບູ​ຣີ ແລະ ບໍ່​ແກ້ວ ໄດ້​ຮັບ​ຜົ​ລ​ກະ​ທົບ.

ໂຄງ​ການ​ເຂື່ອນ​ຫລວງ​ພ​ຣະ​ບາງ ມີ​ກຳ​ລັງ​ການ​ຜ​ລິດ 1,460 ເມ​ກາ​ວັດ ຕັ້ງ​ຢູ່​ບ້ານ​ຫ້ວຍ​ຫຍໍ້ ເມືອງ​ຈອມ​ເພັດ ແຂວງ​ຫລວງ​ພ​ຣະ​ບາງ ຫ່າງ​ຈາກ​ເມືອງ​ມໍ​ຣະ​ດົກ​ໂລກ ຫລວງ​ພ​ຣະ​ບາງ​ປະ​ມານ 25 ກິ​ໂລ​ແມັດ ໂດຍ​ແມ່ນ ບໍ​ຣິ​ສັດ ໄຊ​ຍະ​ບູ​ຣີ ພາວ​ເວີ ແລະ ບໍ​ຣິ​ສັດ PretoVietnam Power ຈາກ​ປະ​ເທດ​ວຽດ​ນາມ ເປັນ​ເຈົ້າ​ຂອງ​ໂຄງ​ການ. 

ມີ​ຜູ້​ຖື​ຮຸ້ນຢູ່​ໃນ​ໂຄງ​ການ ເຂື່ອນ​ຫລວງ​ພ​ຣະ​ບາງ ລວມ​ມີ ບໍ​ຣິ​ສັດ​ ຫລວງ​ພ​ຣະ​ບາງ ພາວ​ເວີ ຈຳ​ກັດ, ບໍ​ຣິ​ສັດ ພີ​ທີ ຈຳ​ກັດ ຖື​ຮຸ້ນ 38 ເປີ​ເຊັນ, ບໍ​ຣິ​ສັດ PretoVietnam 10 ເປີ​ເຊັນ, ບໍ​ຣິ​ສັດ​ໄຊ​ຍະ​ບູ​ຣີ ພາວ​ເວີ 42 ເປີ​ເຊັນ, ແລະ ການ​ບໍ​ຣິ​ສັດ ຊໍ​ການ​ຊ່າງ 10 ເປີ​ເຊັນ ໂດຍ ມີ​ມູນ​ຄ່າ​ລົງ​ທຶນ 3 ຕື້​ໂລ​ດາຣ໌ ເຊິ່ງ​ໂຄງ​ການ​ເຂື່ອນ​ດັ່ງ​ກ່າວ​ຈະ​ຂາຍ​ໄຟ​ຟ້າ​ໃຫ້​ປະ​ເທດ​ໄທ​ຍ ແລະ ວຽດ​ນາມ ຕາມ​ແຜນ​ການ.

ການ​ປະ​ເມີນ​ຜົ​ລ​ກະ​ທົບທາງ​ສັງ​ຄົມ ຂອງ​ໂຄງ​ການ​ເຂື່ອນ​ໄຟ​ຟ້າ​ຫລວງ​ພ​ຣະ​ບາງ ຈະ​ມີ​ຊາວ​ບ້ານ 23 ບ້ານ ໄດ້​ຮັບ​ຜົ​ລ​ກະ​ທົບ ປະ​ກອບ​ມີ ເມືອງ​ຈອມ​ເພັດ ແຂວງ​ຫລວງ​ພ​ຣະ​ບາງ, ເມືອງ​ຫົງ​ສາ ແຂວງ​ໄຊ​ຍະ​ບູ​ຣີ, ແລະ ເມືອງ​ງາ ແຂວງ​ອຸ​ດົມ​ໄຊ ໂດຍ​ມີ​ການ​ແຍກ​ອອກ​ເປັນ 4 ກຸ່ມ​ດັ່ງ​ນີ້:

  • ກຸ່ມ​ທີ 1 ໄດ້​ຮັບ​ຜົ​ລ​ກະ​ທົບ​ທັງ​ໝົດ 100 ເປີ​ເຊັນ ແລະ ຖືກ​ຍົກ​ຍ້າຍ ຈຳ​ນວນ 6 ບ້ານ, 580 ຄອບ​ຄົວ ປະ​ມານ 2,000 ປາຍ​ຄົນ.
  • ກຸ່ມ​ທີ 2 ໄດ້​ຮັບ​ຜົ​ລ​ກະ​ທົບ​ບາງ​ສ່ວນ ແລະ ມີ​ບາງ​ຄອບ​ຄົວ​ຖືກ​ຍົກ​ຍ້າຍ ຈຳ​ນວນ 9 ບ້ານ, ເກືອບ 700 ຄອບ​ຄົວ ຫຼື ປະ​ມານ 3,800 ຄົນ.
  • ກຸ່ມ​ທີ 3 ສູນ​ເສັຽ​ທີ່​ດິນ ຈຳ​ນວນ 8 ບ້ານ, 670 ຄອບ​ຄົວ ປະ​ມານ 2,300 ຄົນ.
  • ກຸ່ມ​ທີ 4 ບ້ານ​ທ້າຍ​ເຂື່ອນ ທີ່​ຈະ​ໄດ້​ຮັບ​ຜົ​ລ​ກະ​ທົບ​ຈາກ​ໂຄງ​ການ ແຕ່ບໍ່​ຖືກ​ຍົກ​ຍ້າຍ ຈຳ​ນວນ 3 ບ້ານ, ເກືອບ 190 ຄອບ​ຄົວ ປະ​ມານ 900 ຄົນ.

ເມື່ອ​ມົກ​ກະ​ຣາ 2022 ທີ່​ຜ່ານ​ມາ, ບໍຣິ​ສັດ ກັ​ຟ ເອັ​ນ​ເນີ​ຈີ ດີ​ເວ​ວ​ລົບ​ເມນ ຫຼື GULF ປະ​ເທດ​ໄທ​ຍ ແລະ ບໍຣິ​ສັດ Sinohydro Holding ເຊິ່ງ​ເປັນ​ບໍ​ຣິ​ສັດ ຂອງ​ບໍ​ຣິ​ສັດ​  ຣັ​ຖວິ​ສາ​ຫະ​ກິດ ໄຟ​ຟ້າ​ຈີນ ຫຼື Power Construction Corporation of China ໄດ້ ຮ່ວມ​ລົງ​ນາມ​ບັນ​ທຶກ​ຄວາມ​ເຂົ້າ​ໃຈ​ການ​ຮັບ​ຊື້​ໄຟ​ຟ້າ ຫຼື Tariff MOU ສຳ​ລັບ​ໂຄງ​ການ​ເຂື່ອນ​ປາກ​ລາຍ ກັບການ​ໄຟ​ຟ້າ​ຝ່າຍ​ຜ​ລິດ​ແຫ່ງ​ປະ​ເທດ​ໄທ​ຍ ຫຼື EGAT ໂດຍ ການ​ໄຟ​ຟ້າ​ຝ່າຍ​ຜ​ລິດ​ແຫ່ງ​ປະ​ເທດ​ໄທ​ຍ ຈະ​ເປັນ​ຜູ້​ຮັບ​ຊື້ໄຟ​ຟ້າ​ຈາກ​ໂຄງ​ເຂື່ອນ​ປາກ​ລາຍ ໃນ​ອັດ​ຕ​ຣາ​ລາ​ຄາເກືອບ 2.7 ບາດ ຕໍ່​ໜ່ວຍ.

ນອກ​ຈາກນີ້, ສຳ​ນັກ​ຂ່າວ Bangkok Post ຍັງ​ໄດ້​ຣາຍ​ງານ ໃນ​ວ​ວັນ​ທີ 15 ມີ​ນາ 2022 ໂດຍ ອ້າງ​ຄຳ​ເວົ້າ​ຂອງ ທ່ານ  Wattanapong Kurovat ຫົວ​ໜ້າ​ຫ້ອງ​ການວາງ​ແຜນ ແລະ ນະ​ໂຍ​ບາຍ​ພ​ລັງ​ງານ ຂອງ​ໄທ​ຍ ວ່າ ເຂື່ອນໄຟຟ້າຫຼວງພຣະບາງ, ເຂື່ອນໄຟຟ້າປາກແບງ ແລະເຂື່ອນໄຟຟ້າປາກລາຍ ເປັນ​ເຂື່ອນໃຊ້​  ພ​ລັງ​ງານນ້ຳ.

ສຳ​ນັກ​ຂ່າວ Bangkok Post ຍັງ​ຣາຍ​ງານ​ອີກວ່າ ການ​ເຊັນ​ສັນ​ຍາ​ຊື້​ໄຟ​ຟ້າ​ຈາກ​​ລາວ ເປັນ​ຄວາມ​ພະ​ຍາ​ຍາມ​ຂອງ​ຣັ​ຖ​ບານ​ໄທ​ຍ ຫຼຸດ​ຜ່ອນສານ Carbon ທີ່​ເປັນິດ​ຕໍ່​ອາ​ກາດ, ສ້າງ​ຄວາມ​ສົມ​ດູນ​ໃນ​ກາ​ນ​ປ່ອຍ​ມົ​ລ​ພິດ​ໃສ່​ອາ​ກາດ. ນອກ​ຈາກນີ້ ທາງ​ການ​ໄທ​ຍ​ຍັງ​ເຫັນ​ວ່າ ການ​ໃຊ້​ພ​ລັງ​ໄຟ​ຟ້າ ​ຈາກ​ເຂື່ອນ​ໄຟ​ຟ້າ​ນ້ຳ​ຕົກ ເປັນ​ພ​ລັງ​ງານ​ທີ່​ສະ​ອາດ. 

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ