ແມ່ຍິງ 58 ຄົນ ຖືກຊ່ອຍ ຈາກການຄ້າມະນຸສ

ອຸ່ນແກ້ວ
2022.04.05
Share on WhatsApp
Share on WhatsApp
ແມ່ຍິງ 58 ຄົນ ຖືກຊ່ອຍ ຈາກການຄ້າມະນຸສ ກາສິໂນ ຄິງສ໌ໂຣມັນສ໌ ໃນເຂດເສຖກິຈພິເສດ ສາມຫລ່ຽມຄຳ, ວັນທີ 27 ກໍຣະກະດາ 2016
RFA

ໃນ​ປີ 2021 ກົມຕຳ​ຣວດ​ສ​ກັດ​ກັ້ນ ແລະ ຕ້ານ​ການ​ຄ້າ​ມະ​ນຸສ ກະ​ຊວງ​ປ້ອງ​ກັນ​ຄວາມ​ສ​ງົບ ໄດ້​ຊ່ອຍ​ເຫຼືອແມ່​ຍິງ, ເດັກ​ຍິງ​ຕ່າງ​ປະ​ເທດ, ແມ່​ຍິງ ແລະ ເດັກ​ຍິງ​ລາວ ທີ່​ຖືກ​ເຄາະ​ຮ້າຍ ​ຈາກ​ການ​ຄ້າ​ມະ​ນຸສ ໄດ້ 58 ຄົນ.

ເຈົ້າ​ໜ້າ​ທີ່ ໄດ້ແກ້​ໄຂ​ຄະ​ດີຄ້າ​ມະ​ນຸສໄດ້ 25 ເຣື່ອງ ແລະ ​ໄດ້ຮັບແຈ້ງຄະດີການຄ້າມະນຸສ 78 ຄັ້ງ​.

ເຈົ້າ​ໜ້າ​ທີ່ໄດ້​ຈັບ​ຜູ້​ຕ້ອງ​ຫາ 40 ຄົ​ນ ເປັນ​ຍິງ 24 ຄົນ ທີ່ ເປັນ​ຄົນ​ສັນ​ຊາດ​ສິງ​ກະ​ໂປ ເຊື້ອ​ສາຍ​ຈີນ, ຄົນ​ໄທ​ຍ, ຄົນ​ລາວ ແລະ ຄົນ​ຣັສ​ເຊັຽ ແລະ ເຂົາ​ເຈົ້າ​ທັງ​ໝົດ ຖືກ​ດໍ​າ​ເນີນ​ຄະ​ດີ ໃນ​ຂໍ້​ຫາ​ຄ້າ​ມະ​ນຸສ, ການ​ເປັນ​ນາຍ​ໜ້າຈັດ​ຫາ​ແມ່​ຍິງ ແລະ ເດັກ​ຍິງໄປ​ຄ້າ​ປະ​ເວ​ນີ ແລະ​ ເປັນ​ຜູ້​ຄ້າ​ມະ​ນຸສເຮັດ​ໃຫ້​ແມ່​ຍິງ ແລະ ເດັກຍິງ​ຕົກ​ເປັນ​ຜູ້​ເຄາະ​ຮ້າຍ. ປັດ​ຈຸ​ບັນ ເຈົ້າ​ໜ້າ​ທີ່​ກະ​ຊວງ​ປ້ອງ​ກັນ​ຄວາມ​ສ​ງົບ ໄດ້​ສົ່ງ​ສຳ​ນວນ​ຄະ​ດີ​ທັງ​ໝົດ ໃຫ້​ອັຍ​ການ ເພື່ອ​ດຳ​ເນີນ​ຄະ​ດີ​ຕາມ​ກົດ​ໝາຍ.

ເຈົ້າ​ໜ້າ​ທີ່​ ກະ​ຊວງ​ປ້ອງ​ກັນ​ຄວາມ​ສ​ງົບ ໄດ້​ກ່າວ​ຕໍ່​ວິທຍຸເອ​ເຊັຽ​ເສ​ຣີ ໃນ​ວັນ​ທີ 5 ເມ​ສາ ວ່າ:

25 ຄະດີ ອັນນີ້ ເຮົາມີນີ້ ມັນຈະມີຄົນຣັສເຊັຽແດ່ ມີຄົນໄທແດ່ ລ້າສຸດນີ້ ອາທິດກ່ອນນີ້ ມີຄົນສິງກະໂປແດ່ ມັນກໍມີທັງນາຍໜ້ານຳ ແລະ ມັນກໍມີທັງຜູ້ຄ້ານຳ ຈັ່ງຊີ້ ຫັ້ນແຫຼະມັນກໍຫຼາຍຜູ້ກະທຳຜິດ ລວມກັນຫັ້ນແຫຼະ ສ່ວນຫຼາຍ ເຮົາກໍລຸບໃຫ້ ອັຍການໝົດແລ້ວ ສ່ວນວ່າ ຂບວນການຕໍ່ໄປ ມີແຕ່ທາງອັຍການ ທາງສານ ເພິ່ນດຳເນີນການທາງຣະບຽບກົດໝາຍແຫຼະເຈົ້າ.”

ທ່ານ ກ່າວ​ຕື່ມ​ວ່າ ເມື່ອ​ ​ອັຍ​ການ​ຮັບ​ສຳ​ນວນການ​ຟ້ອງ​ຮ້ອງ ເພື່ອ​ເຂົ້າ​ສູ່​ຂບວນ​ການ​ພິ​ຈາ​ຣະ​ນາ ​ຄະ​ດີ​ໃນ​ຊັ້ນ​ສານ​ແລ້ວ ທາງ​ເຈົ້າ​ໜ້າ​ທີ່ຕຳ​ຣວດ ກໍ​ຄື ກະ​ຊວງ​ປ້ອງ​ກັນ​ຄວາມ​ສ​ງົບ ຍັງ​ບໍ່​ທັນ​ຮູ້​ລາຍ​ລະ​ອຽດ​ກ່ຽວ​ກັບ​ການ​ລົງ​ໂທດ ​ຕໍ່​ຜູ້​ຕ້ອງ​ຫາທັງ​ໝົດ​ແຕ່​ຢ່າງ​ໃດ.

ໃນ​ຈຳນວນ 58 ຄົນ ທີ່ຊ່ອຍເຫຼືອອອກມາໄດ້ ລວມມີ ເປັນຄົນລາວ 11 ຄົນ ແລະຄົນຕ່າງປະເທດ 47 ຄົນ ເຊິ່ງ ຖືກຕົວະໃຫ້ມາເຮັດວຽກ ແລະ ຖືກບັງຄັບໃຫ້າຍບໍຣິການທາງເພດ ຢູ່ຄາຊິໂນ ຄິງສ໌ໂຣມັນສ໌ ພາຍໃນເຂດເສກິພິເສດສາມຫລ່ຽມຄຳ, ເມືອງຕົ້ນເຜິ້ງ ແຂວງບໍ່ແກ້ວ. ປັດຈຸບັນ ຜູ້ທີ່ຖືກເຄາະຮ້າຍ 58 ຄົນ ຖືກສົ່ງກັບຄືນຫາຄອບຄົວແລ້ວ ຫຼັງຈາກໄດ້ຮັບການຟື້ນຟູຈິດໃຈ ແລະ ໄດ້ຮັບການສຶກສາອົບຮົມ.  

ເຈົ້າ​ໜ້າ​ທີ່ ​ກົມ​ຕຳ​ຣວດ​ສ​ກັດ​ກັ້ນ ແລະ ຕ້ານ​ການ​ຄ້າ​ມະ​ນຸສ ໄດ້​ກ່າວ​ໃນ​ວັນ​ທີ 5 ເມ​ສາ ວ່າ:  

ຄົນໄທຍ ແລະ ກໍຄົນວຽດ ແລະ ກໍຄົນຣັສເຊັຽ ສິງກະໂປ ຈີນ ທີ່ເຮົາສົ່ງກັບ ຄືນປະເທດ, ຈຳນວນນຶ່ງ ຄົນລາວ ກໍແມ່ນ ຖືວ່າ ບຳບັດທາງດ້ານຮ່າງກາຍ ຈິດໃຈ ກ່ອນຈະກັບຄືນສູ່ສັງຄົມ, ຮູບແບບຂອງເພິ່ນ ກໍຕົວມາອອກແຮງງານ ແຕ່ສ່ວນຫຼາຍ ຖືກບັງຄັບຄ້າປະເວນີ ຢູ່ ແຂວງບໍ່ແກ້ວ ພຸ້ນ.”            

ອີງ​ຕາມ​ຂໍ້​ມູນ ຈາກ​ຜູ້​ທີ່​ຖືກ​ຕົວະ​ໄ​ປ​ເຮັດ​ວຽກ​ຢູ່​ ຄາ​ຊິ​ໂນຄິງ​ສ໌ໂຣ​ມັນສ໌, ປັດ​ຈຸ​ບັນ ຍັງ​ມີ​ແມ່​ຍິງ​ລາວ ແລະ ໄທ​ຍ ທີ່​ຖືກ​ຕົວະ​ໄປ​ເຮັດ​ວຽກ​ຢູ່ ເຂດ​ດັ່ງ​ກ່າວ ແລະ ຍັງ​ອອກ​ມາບໍ່​ໄດ້ ໂດຍສະ​ເພາະ​ການ​ເຮັດ​ວຽກ​ຕອບ​ແຊັດ, ແຕ່ ຖ້າ​ເຮັດ​ບໍ່​ໄດ້​ຕາມ​ເປົ້າ​ໝາຍ ເຂົາ​ເຈົ້າ​ກໍ​ຈະ​ຖືກ​ລົງ​ໂທດ​ ດ້ວຍ​ການແລ່ນ​ຂາ​ດຽວ, ລຸກ​ຢືນ ລຸກ​ນັ່ງ 100-200 ຄັ້ງ ລວມ​ເຖິງ​ການ​​ຂາຍ​ບໍ​ຣິ​ການ​ທາງ​ເພດ.

ແມ່​ຍິງ​ຈາກ​ແຂວງ​ບໍ​ຣິ​ຄຳ​ໄຊ ທີ່​ເຄີຍຖືກ​ຕົວະ​ໄປ​ເຮັດ​ວຽກ ຢູ່ ຄາ​ຊິ​ໂນຄິງ​ສ໌ໂຣ​ມັນສ໌ ໄດ້​ກ່າວ​ວ່າ ໃນ​ວັນ​ທີ 5 ເມ​ສາ ວ່າ:

ໄປຮອດກໍວ່າ ໃຫ້ເຮົາຫັ້ນ ໄປຕົວະຄົນ ໃຫ້ເຂົາເຈົ້າມາລົງທຶນມາ ອີ່ຫຍັງຫັ້ນແຫຼະ ຖ້າເຮົາ ເຮັດບໍ່ໄດ້ ກໍຖືກທຳໂທດ ໃຫ້ເຮົາເຕັ້ນກົບ ແລະ ກໍໃຫ້ເຮົາອັນ ແລ່ນຂາດຽວ ຫຼືວ່າ ລຸກຢືນ ລຸກນັ່ງ 100-200 ເທື່ອ ຫັ້ນນ່າ, ຜູ້ອື່ນ ກໍສ່ວນຫຼາຍ ພວກຜູ້ສາວ ເຂົາເຈົ້າ ກໍເຕັມໃຈໄປແດ່ແຫຼະ ຕາມເອື້ອຍຕິດຫັ້ນ ຢູ່ໃນຫັ້ນ ມັນກໍເວົ້າເຣື່ອງເງິນຂອງເຂົາເຈົ້າໄປຮອດແລ້ວ ບາງທີ ເຂົາຫຼິ້ນເບື່ອແລ້ວ ເຂົາກໍຂາຍຕໍ່ໃຫ້ຜູ້ໃໝ່.”

ກໍຣະ​ນີ ເຈົ້າໜ້າທີ່ໄດ້ຮັບແຈ້ງ ຄະດີການຄ້າມະນຸສ 78 ເທື່ອນັ້ນ ຈະຕ້ອງມີການກວດກາ ຫຼັກຖານຢ່າງລະອຽດກ່ຽວກັບຜູ້ທີ່ຖືກເຄາະຮ້າຍ.

ເຈົ້າ​ໜ້າ​ທີ່​ຕຳ​ຣວດ ກົມ​ໃຫຍ່ຕຳ​ຣວດ ໄດ້​ກ່າວ​ໃນ​ວັນ​ທີ 5 ເມ​ສາ ວ່າ:

ບໍ່ແມ່ນວ່າພວກເອື້ອຍຈະຊ່ວຍໄດ້ເມີຫັ້ນນ່າ ມັນກໍຕ້ອງຂຶ້ນກັບຂໍ້ມູນ ຫຼັກຖານ ອີ່ຫຍັງຕ່າງໆ ບໍ່ແມ່ນວ່າ ເອີ ເຮົາໄດ້ຂໍ້ມູນມາແນວນີ້ ແປວ່າ ຕ້ອງໄດ້ເດີ ພວກເອື້ອຍ ກໍຕ້ອງຊອກຄື ກັນວ່າ ມັນມີຂໍ້ມູນມາແທ້ບໍ່ ຖືກຕ້ອງບໍ່ ແມ່ນເປັນໃຜແທ້ເນາະຂຶ້ນຢູ່ ກັບຜູ້ໃຫ້ຂໍ້ມູນທີ່ຊັດເຈນ ຂໍ້ມູນຫຼັກຖານມີອີ່ຫຍັງແດ່ ສາມາດສົ່ງໃຫ້ເພິ່ນໄດ້ ເອກສານບໍ່ ອີ່ຫຍັງ, ອີ່ຫຍັງ ຖືກຕົບ ຖືກຕີ ຫຼືວ່າ ເປັນຮູບ ອີ່ຫຍັງ ອີຫຍັງ ສຸດແລ້ວແຕ່ເນາະ.” 

ບາງ​ກໍ​ຣະ​ນີ ​ຜູ້​ໃດ​ຕ້ອງ​ການ​ໃຫ້​ເຈົ້າ​ໜ້າ​ທີ່ ​ຊ່ອຍ​ອອກ​ຈາກ​ສາມ​ຫລ່ຽມຄຳ ຕ້ອງ​ຈ່າຍ​ຄ່າ​ດໍ​າ​ເນີນ​ການ ໃຫ້​ເຈົ້າ​ໜ້າ​ທີ່ 5,000 ຢວນ ເພື່ອ​ໃຫ້​ຊ່ອຍ​ອອກ​ມາ.

ແມ່​ຍິງ​ລາວ ຈາກ​ແຂວງ​ບໍ​ຣິ​ຄຳ​ໄຊ ທີ່​ຖືກ​ຕົວະ​ໄປ​ເຮັດ​ວຽກ ຢູ່ ຄາ​ຊິ​ໂນຄິງ​ສ໌ໂຣ​ມັນສ໌ ຜູ້​ດຽວ​ກັນ​ນີ້ ໄດ້​ກ່າວ​ວ່າ:  

ໄປເອີ້ນ ເຈົ້າໜ້າທີ່ມາ ແລ້ວ ກໍແຈ້ງເບີຫ້ອງ ເອີຫຍັງ ຫັ້ນແຫຼະ ແລະ ກໍຈ່າຍໃຫ້ເຂົາເຈົ້າ ຈ່າຍໃຫ້ອັນ ພວກເຂົາເຈົ້າ ໄປຮັບເຮົາຫັ້ນແຫຼະ ຄັນຄົນຊິອອກ 5,000 ຢວນ ໃຫ້​​ເຂົາກໍວ່າ ຊ່ວຍລ້າຫັ້ນແຫຼະ ແຕ່ວ່າ ຕ້ອງໄດ້ເສັຽເງິນ ເຮົາກໍເວົ້າບໍ່ໄດ້ ເຂົາວ່າ ມາຊ່ວຍເຮົາລ້າຫັ້ນແຫຼະ ແຕ່ວ່າ ອອກມາ ເຂົາກໍຕ້ອງເອົາ ຄ່ານ້ຳມູກນ້ຳມັນ ຄ່າເຂົາໄປສົ່ງ ໄປຮັບເຮົາ ຄ່າຈ່າຍນັ້ນ ຈ່າຍນີ້ ໃຫ້ເຮົາ ຫັ້ນແຫຼະ ຄວາມໝາຍນ່າ.”

ທິດ​ທາງແຜນການ ປີ 2022 ຂອງກົມຕຳຣວດສະກັດກັ້ນ ແລະ ຕ້ານການຄ້າມະນຸສ ຍັງຄົງສຸມໃສ່ໂຄສະນາ ປູກຈິດສຳນຶກ ກ່ຽວກັບສຖານທີ່ ມີຄວາມສ່ຽງ ພ້ອມທັງສ້າງປອຣ໌ດໂຄນາ, ບົດເພງ, ຖ່າຍທຳຈຳລອງເຫດການ ຜູ້ຖືກເຄາະຮ້າຍຈາກການຄ້າມະນຸສ, ສ້າງຊ່ອງທາງການໂຄນາ ຜ່ານແອບຕິກຕອກ, ເຟບຸກຄ໌, ຢູທູບ, ເວບໄຊທ໌, ວິທະຍຸ.

ນອກ​ຈາກນີ້ ກົມ​ຕຳ​ຣວດ ສະ​ກັດ​ກັ້ນ ແລະ ຕ້ານ​ການ​ຄ້າ​ມະ​ນຸສ ຍັງ​ມີ​ແຜນ​ຜັກ​ດັນ​ໃຫ້​ເອົາ​ບົດ​ຮຽນ​ ການ​ຄ້າ​ມະ​ນຸສ ເຂົ້າ​ໃນ​ຫຼັກ​ສູດ​ການ​ສຶກ​ສາ​ພາກ​ບັງ​ຄັບ ແຕ່​ຊັ້ນ​ປະ​ຖົມ​ສຶກ​ສາປີ​ທີ 3 ເຖິງ​ຊັ້ນ​ມັທ​ຍົມ​ສຶກ​ສາ​ຕອນ​ປາຍ​ນຳ​ດ້ວຍ.

ເຈົ້າ​ໜ້າ​ກົມ​ຕໍາ​ຣວດ​ສ​ກັດ​ກັ້ນ ແລະ ຕ້ານ​ການ​ຄ້າ​ມະ​ນຸສ ຜູ້​ດຽວ​ກັນ​ນີ້ ໄດ້​ກ່າວ​ວ່າ:

ປັດຈຸບັນ ພວກເຮົາ ກຳລັງ ປະຕິບັດຕາມວຽກງານ ແຫ່ງຊາເດ້ ວ່າ ດວ້ຍການຕ້ານຄ້າມະນຸສ ທັງວຽກງານ ໂຄນາແດ່ ທັງວຽກງານ ປູກຈິດສຳນຶກ ໃຫ້ປະຊາຊົນ ຮັບຮູ້ຜົຮ້າຍຂອງການຄ້າມະນຸສ ນີ້ແດ່ ທັງມີບົດລະຄອນ ທັງພວກເຮົາ ມີການຕໍຣາ ຫຼັກສູດ ການຮຽນ-ການສອນ ເຂົ້າໃນແຕ່ລະຊັ້ນ.3 ຂຶ້ນມາຊັ້ນມັຍົມປາຍ ພວກເຮົາແຮ່ງມີຕຳຣາສິດສອນຢູ່ແລ້ວ.”

ນອກ​ຈາກນີ້ ເຈົ້າໜ້າທີ່ຍັງມີການລະດົມທຶນ ຈາກພາກຣັຖ ສ້າງສູນຕ້ອຮັບຊົ່ວຄາວ ຜູ້ຖືກເຄາະຮ້າຍຈາກການຄ້າມະນຸສ ຢູ່ແຂວງຫລວງນ້ຳທາ ໄດ້ 11 ພາກສ່ວນ ແລະ ເອກຊົນ ໄດ້ 38 ພາກສ່ວນ ເຊິ່ງສ້າງສຳເລັດແລ້ວ 95 ເປີເຊັນ.

ເຣື້ອງທີ່ເບິ່ງຫລາຍ
ການຄ້າມະນຸສ
ແມ່ຍິງ ຖານະຍາກຈົນ ເຂດຫ່າງໄກ ສ່ຽງຖືກຄ້າມະນຸສ
ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ