ສົນທິສັນຍາມິຕພາບ ລາວ-ວຽດນາມ 44 ປີ

ຈຳ​ປາ​ທອງ
2021-07-18
Share
ສົນທິສັນຍາມິຕພາບ ລາວ-ວຽດນາມ 44 ປີ ສ.ປ.ປ. ລາວ ແລະ ສ.ສ. ວຽດນາມ ມີຄວາມສັມພັນ ແບບພິເສດ
RFA

ສົນທິສັນຍາມິຕພາບ ແລະ ການຮ່ວມມື ລາວ-ວຽດນາມ ທີ່ທ່ານ ໄກສອນ ພົມວິຫານ, ນາຍົກຣັຖມົນຕຣີ ສປປລາວ ແລະ ທ່ານ ຟາມ ວັນດົງ, ນາຍົກຣັຖມົນຕຣີວຽດນາມ, ໄດ້ລົງນາມ ໃນມື້ວັນທີ 18 ກໍຣະກະດາ 1977, ຊຶ່ງມາເຖິງປີນີ້ ກໍຄົບຮອບ 44 ປີ ແຕ່ສັງເກດ ເຫັນວ່າ ທາງການລາວ ບໍ່ໄດ້ເອົາໃຈໃສ່ ສລອງພໍຊໍ່າໃດ ໃນຂະນະທີ່ ອິດທິພົນຂອງຈີນ ແພ່ເຂົ້າມາລາວ ຫຼາຍຂຶ້ນນັບມື້.

ສົນທິສັນຍາ ສະບັບນີ້ ເວົ້າເຖິງ ການພົວພັນ ຮ່ວມມືກັນ ລະຫວ່າງ ລາວ-ວຽດນາມ ບົນຫລັກ ການສເມີພາບ, ເຄົາຣົບ ເອກກະຣາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນ ຂອງກັນ, ບໍ່ແຊກແຊງ ເຂົ້າກິຈການ ພາຍໃນ ຂອງກັນ, ຊ່ອຍເຫຼືອ ຊຶ່ງກັນແລະກັນ ຢ່າງສຸດອົກສຸດໃຈ ໃນຂະນະທີ່ ຫຼາຍຄົນ ເວົ້າວ່າ ໃນພາກປະຕິບັດຕົວຈິງ ແມ່ນບໍ່ເປັນໄປ ຄືດັ່ງວ່າ, ທັງໝົດ ລ້ວນແລ້ວ ແຕ່ຮັບໃຊ້ ຜົລປໂຍດ ຂອງວຽດນາມ, ຊຶ່ງເບື້ອງຕົ້ນ ກໍແມ່ນດຶງລາວ ໃຫ້ອອກຫ່າງຈາກຈີນ ບໍ່ໃຫ້ຈີນ ມີອິດທິພົນ ໃນລາວ ແລະ ເຮັດໃຫ້ລາວ ເຂົ້າຮ່ວມ ໃນການຕ້ານຢັນ ກັບຈີນ ໃນທ້າຍຊຸມປີ 1970.

ເວົ້າເຖິງ ອິດທິພົນ ຂອງວຽດນາມ ແລະ ຈີນຢູ່ລາວ ໃນໄລຍະຫຼາຍປີ ຫຼັງມານີ້ ຫຼາຍຄົນ ເວົ້າວ່າ ອິດທິພົລ ຂອງວຽດນາມ ຫຼຸດໜ້ອຍຖອຍລົງຫຼາຍ ຊຶ່ງສ່ວນໃຫຍ່ ກໍຍັງເຫຼືອ ແຕ່ທາງດ້ານການເມືອງ ແລະ ການທະຫານ ຍ້ອນມີ ເສຖກິດໜ້ອຍ, ກົງກັນຂ້າມ ອິດທິພົນ ຂອງຈີນ ແມ່ນເພີ່ມຂຶ້ນນໍາ ເລື້ອຍໆ ຍ້ອນຈີນ ທຸ້ມໃສ່ ການລົງທຶນ ໃນດ້ານຕ່າງໆ ຮວມທັງ ການສ້າງເຂື່ອນ, ຂຸດຄົ້ນບໍ່ແຮ່, ເທເງິນຊ່ອຍເຫຼືອ ແລະ ໃຫ້ກູ້ຢືມ ຈົນວ່າ ລາວຕິດໜີ້ຈີນ ເປັນຈໍານວນ ມະຫາສານ ແລະ ເປັນໜີ້ ທີ່ຍາກຍິ່ງ ທີ່ຈະໃຊ້ແທນ ຄືນໄດ້.

ກ່ຽວກັບ ເຣື່ອງນີ້ ດຣ. ບຸນທອນ ຈັນທະລາວົງ-ວີເຊີ, ປະທານອົງການ ພັນທະມິດເພື່ອປະຊາ ທິປະໄຕ ໃນລາວ ທີ່ມີສູນກາງ ຢູ່ປະເທດເຢັຍຣະມັນ, ກ່າວຕໍ່ ວິທຍຸເອເຊັຽເສຣີ ໃນມື້ວັນທີ 15 ກໍຣະກະດາ ນີ້ວ່າ:

(ສຽງ​ສັມ​ພາດ)

ທ່ານ ອິນຊີທອງ, ຄະນະນໍາ ແລະ ທັງເປັນໂຄສົກ ອົງການລາວເສຣີ (Free Laos Campaign) ກ່າວຕໍ່ ວິທຍຸເອເຊັຽເສຣີ ໃນມື້ວັນທີ 14 ກໍຣະກະດາ ນີ້ວ່າ:

(ສຽງ​ສັມ​ພາດ)

ແລະພັນເອກ ຂາວ ອິນສີຊຽງໃໝ່, ອາດີດນາຍທະຫານ ກອງທັບແຫ່ງພຣະຣາຊອານາຈັກລາວ, ຜູ້ບັນຊາການໜ່ວຍຣົບພິເສດ SGU, ຜູ້ບັນຊາການ ໜ່ວຍຣົບເຄື່ອນທີ່ ກອງພັນ GM 33, ກໍກ່າວຕໍ່ ວິທຍຸເອເຊັຽເສຣີ ໃນມື້ວັນທີ 15 ກໍຣະກະດາ ນີ້ວ່າ:

(ສຽງ​ສັມ​ພາດ)

ແລະປະຊາຊົນລາວ 3 ທ່ານ ຢູ່ພາຍໃນປະເທດ ຜູ້ຂໍສງວນຊື່, ສະຖານທີ່ ແລະເວລາ ທີ່ກ່າວຕໍ່ ວິທຍຸເອເຊັຽເສຣີ ຊຶ່ງທ່ານນຶ່ງເວົ້າວ່າ:

(ສຽງ​ສັມ​ພາດ)

ປະຊາຊົນລາວອີກຜູ້ນຶ່ງກໍເວົ້າວ່າ:

(ສຽງ​ສັມ​ພາດ)

ແລະປະຊາຊົນລາວ ອີກຜູ້ນຶ່ງ ກໍເວົ້າ ເທົ່າທີ່ໄດ້ຜ່ານໄປເຫັນ ວ່າ:

(ສຽງ​ສັມ​ພາດ)

ເວົ້າເຖິງ ສົນທິສັນຍາ ມິຕພາບ ແລະ ການຮ່ວມມື ລາວ-ວຽດນາມ ວ່າ ມີຄວາມສໍາຄັນ ສໍາລັບລາວ ແລະ ວຽດນາມ ຄືກັນກັບ ທີ່ໄດ້ບົ່ງໄວ້ ໃນສົນທີສັນຍາ ຫຼື ແນວໃດນັ້ນ ດຣ. ບຸນທອນ ກ່າວວ່າ:
(ສຽງ​ສັມ​ພາດ)

 ແລະ ພັນເອກ ຂາວ ກ່າວວ່າ:

(ສຽງ​ສັມ​ພາດ)

ແລະ ທ່ານ ອິນຊີທອງ ກໍກ່າວວ່າ:

(ສຽງ​ສັມ​ພາດ)

ເວົ້າເຖິງ ເຣື່ອງຊາຍແດນ ມາດຕຣາ 4 ຂອງສົນທິສັນຍາ ລະບຸວ່າ ຊາຍແດນລາວ-ວຽດນາມ ເປັນຊາຍແດນ ມິຕພາບ ແຕ່ພັນເອກຂາວ, ທ່ານ ອິນຊີທອງ ແລະ ດຣ. ບຸນທອນ ວ່າ ບໍ່ເປັນຄືແນວນັ້ນ ຍ້ອນວຽດນາມ ບຽດຍຶດເອົາດິນລາວ ດັ່ງທີ່ພັນເອກ ຂາວ:

(ສຽງ​ສັມ​ພາດ)

ທ່ານ ອິນຊີທອງ ກໍກ່າວວ່າ:

(ສຽງ​ສັມ​ພາດ)

ແລະ ດຣ. ບຸນທອນ ກໍກ່າວວ່າ:

ສົນທິສັນຍາ ມິຕພາບ ແລະ ການຮ່ວມມື ລາວ-ວຽດນາມ ປີ 1977 ທີ່ນາຍົກຣັຖມົນຕຣີ ຂອງ 2 ປະເທດ ລົງນາມ ມີ 7 ມາດຕຣາ, ຊຶ່ງໃນນັ້ນ ມາດຕຣາ 1 ເວົ້າເຖິງ ຫລັກການ ຂອງການພົວພັນ ແລະ ການຮ່ວມມື, ມາດຕຣາ 4 ເວົ້າເຖິງ ຊາຍແດນ ແລະ ມາດຕຣາ 7 ເວົ້າເຖິງ ອາຍຸ ຂອງສົນທິສັນຍາ ທີ່ມີ 25 ປີ ແລະ ຈະໄດ້ຕໍ່ອາຍຸໄປ ໃນຕົວ ເທື່ອລະ 10 ປີ ຖ້າຝ່າຍ ນຶ່ງຂອງຄູ່ສັນຍາ ບໍ່ແຈ້ງຄວາມປະສົງ ຢາກລົບລ້າງ ໃຫ້ອີກຝ່າຍນຶ່ງ ຊາບລ່ວງໜ້າ ດ້ວຍລາຍລັກອັກສອນ ຢ່າງໜ້ອຍນຶ່ງປີ ກ່ອນທີ່ສົນທິສັນຍາ ຈະໝົດກໍານົດ.

ສະບາຍດີ.

(ເຊີນ​ທ່ານ ກົດຟັງ​ຣາຍ​ລະ​ອ​ຽດ ສຽງ​ສັມ​ພາດ ຕາມ​ປຸ່ມຂ້າງ​ເທິງ​ນັ້ນ)

ຄໍາເຫັນ (0)

ເບິ່ງຄວາມເຫັນທັງໝົດ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ