ມາຟັງນໍາກັນ 09/19/21

ໄມ​ຊູ​ລີ ແລະ ໄຊ​ຍາ
2021-09-20
Share
ມາຟັງນໍາກັນ 09/19/21 ການສົນທະນາ ໃນບັນຫາ ແລະ ຜົລກະທົບຕ່າງໆ ທີ່ເກີດຂຶ້ນ ຢູ່ປະເທດລາວ.
Photo: RFA

ພັຍພິບັດ ທາງທັມມະຊາດ ທັງພະຍຸ, ພັຍແຫ້ງແລ້ງ ແລະ ພັຍນໍ້າຖ້ວມ ຍັງເປັນ ພັຍທີ່ຂົ່ມຂູ່ ການດຳລົງຊີວິດ ຂອງ ປະຊາຊົນລາວ. ແນວໂນ້ມ ພັຍພິບັດ ທາງທັມມະຊາດ ອາດຈະເພີ່ມ ຄວາມຮຸນແຮງ ຂຶ້ນໄປ ເລື້ອຍໆ.

ໄມ​ຊູ​ລີ: ສະບາຍດີ ທ່ານຜູ້ຟັງ ທີ່ເຄົາຣົບ ວິທຍຸເອເຊັຽເສຣີ ຂໍຕ້ອນຮັບ ທ່ານຜູ້ຟັງ ເຂົ້າມາສູ່ ຣາຍການ “ມາຟັງນຳກັນ”. ຣາຍການນີ້ ເປັນເພື່ອນຄູ່ຄິດ ຊ່ອຍສະທ້ອນ ບັນຫາ ຂອງທ່ານຜູ້ຟັງ ເພື່ອນໍາໄປສູ່ ການແກ້ໄຂ. ສັປດານີ້ ພວກເຮົາ ຈະເວົ້າເຖິງ ພັຍທັມມະຊາດ ໂດຍສະເພາະ ແມ່ນ ລົມພະຍຸ, ພັຍແຫ້ງແລ້ງ ແລະ ພັຍນໍ້າຖ້ວມ ຍັງເປັນ ພັຍຄຸກຄາມ ປະຊາຊົນລາວ ໃນແຕ່ລະປີ ບັນຫາເຣື່ອງນໍ້າຖ້ວມ ແລະ ແຫ້ງແລ້ງ ໄດ້ເກີດຂຶ້ນ ຢ່າງຕໍ່ເນື່ອງ ເຊິ່ງມັນສົ່ງ ຜົລກະທົບ ຕໍ່ຊີວິດ ການເປັນຢູ່ ຂອງປະຊາຊົນລາວ.

ທ່ານ ຜູ້ຟັງ ໃນທ່າມກາງ ເຊື້ອໂຄວິດ-19 ຣະບາດ ເຊິ່ງມັນຍັງ ເປັນບັນຫາ ທ້າທາຍ ຕໍ່ກັບຣັຖບານຊຸດໃໝ່ ທີ່ຈະແກ້ໄຂ. ແຕ່ບັນຫາ ພັຍທັມມະຊາດ ມັນເປັນ ບັນຫາຊໍາເຮື້ອ ອັນໄດ້ ສ້າງຜົລ ເສັຽຫາຍ ໃຫ້ກັບ ເສຖກິຈ-ສັງຄົມ ຢ່າງຕໍ່ເນື່ອງ. ທ່ານ ຜູ້ຟັງ, ຟັງແລ້ວ ມີຄຳຄິດເຫັນ ແນວໃດ ກະຣຸນາ ຊ່ອຍອອກ ຄວາມຄິດເຫັນ ຊ່ອຍກັນ ໃນຊ່ອງຄອມເມັ້ນ ທີ່ຣາຍການ ກຳລັງອອກ ອາກາດ ໃນຂນະນີ້. ຫຼື ທ່ານໃດ ຕ້ອງເຂົ້າຮ່ວມ ໃນຣາຍການ ໃນຮູບແບບສັມພາດ ກໍສົ່ງເບີ ໂທຣະສັບ ໃສ່ອິນບອກ ເພສ ອາຣ໌ເອຟເອ ແລ້ວພວກເຮົາ ຈະຕິດຕໍ່ ໄປຫາ ເພື່ອສັມພາດມາ ອອກຣາຍການ. ສຳລັບ ມື້ນີ້ ດຳເນີນຣາຍການໂດຍ ໄມຊູລີ ແລະ ໄຊຍາ.

ໄຊ​ຍາ: ສະບາຍດີ ທ່ານຜູ້ຟັງ. ໄລຍະນີ້ ກໍກ້າວເຂົ້າ ສູ່ຣະດູ ມໍຣະສຸມ ກໍຂໍໃຫ້ທ່ານຜູ້ຟັງ ທີ່ຢູ່ບ່ອນມີ ຄວາມສ່ຽງ ຕາມແຈ້ງການ ຂອງກົມອຸຕຸນິຍົມ ວິທຍາ ແລະ ອຸທົກກະສາດ ແຈ້ງເຕືອນ ແຕ່ລະວັນ ກໍຂໍໃຫ້ ມີການຕຽມຄວາມພ້ອມ ຕລອດ ເພື່ອໂຍກຍ້າຍ ໄປຢູ່ບ່ອນປອດພັຍ ຖ້າເກີດເຫດ ກະທັນຫັນ ທັງພະຍຸ, ນໍ້າຖ້ວມ ດິນເຈື່ອນ ຝົນຕົກໜັກ ເຊິ່ງມັນ ສາມາດເກີດຂຶ້ນໄດ້ ຕລອດ ເວລາ ຄື ດັ່ງປີ ຜ່ານໆມາ. ເຮົາກໍເຫັນວ່າ ພັຍພິບັດ ທັມມະຊາດ ຍັງເກີດຂຶ້ນ ແລະ ສ້າງຄວາມເດືອດຮ້ອນ ໃຫ້ກັບປະຊາຊົນ ໂດຍສະເພາະ ແມ່ນຜູ້ທີ່ອາສັຍ ຢູ່ຕາມແລວພູ, ແຄມແມ່ນໍ້າ ເປັນຕົ້ນ, ເພາະພັຍທັມມະຊາດ ທີ່ກ່າວມານີ້ ນໍ້າຖ້ວມ, ແຫ້ງແລ້ງ ແລະ ພະຍຸ ມັນຄື ພັຍຄຸກຄາມ ທີ່ຕ້ອງໃຊ້ ເວລາຍາວນານ ໃນແກ້ໄຂ.

ສຳລັບມື້ນີ້ ພວກເຮົາ ກໍໄດ້ສອບຖາມ ແລະ ໄດ້ເກັບກຳ ເອົາຂໍ້ມູນ ທາງດ້ານ ພັຍທັມມະຊາດ ທີ່ມີ ການເຜີຍແຜ່ ອອກສູ່ສາທາຣະນະ ມາອ້າງອິີງ ຢັ້ງຢືນ ໃນການຣາຍງານ ປະເດັນ ພັຍທັມມະຊາດ ເປັນພັຍຂົ່ມຂູ່ ປະຊາຊົນລາວ. ກໍຕິດຕາມ ຮັບຟັງກັນໄດ້. ທ່ານໃດ ທີ່ຕ້ອງການ ເປັນສ່ວນນຶ່ງ ໃນຣາຍການ ຂອງພວກເຮົາ ໃນຮູບແບບ ສັມພາດ ກໍສົ່ງ ເບີໂທຣະສັບ ມາຍັງເພສ ຂອງພວກເຮົາ ໄດ້ພວກເຮົາ ຍິນດີ ທີ່ຈະສເນີ ບັນຫາ ໄປຍັງພາກສ່ວນກ່ຽວຂ້ອງ ເພື່ອຈະໄດ້ ແກ້ໄຂ ບັນຫາ ໃຫ້ຖືກຈຸດ.

ເຊີນ​ຟັງ​ ຣາ​ຍ​ລະ​ອຽດ ເພີ່ມ​ຕື່ມ ຈາກ​ສຽງ ທີ່​ບັນ​ທຶກ​ໄວ້.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ