ສາຍດ່ວນ ຫ້ອງວ່າການ ສູນກາງພັກ ບໍ່ໄດ້ຜົລ

ອຸ່ນແກ້ວ
2022.05.23
Share on WhatsApp
Share on WhatsApp
ສາຍດ່ວນ ຫ້ອງວ່າການ ສູນກາງພັກ ບໍ່ໄດ້ຜົລ ຕໍ່ໜ້າສຳນັກງານ ນາຍົກຣັຖມົນຕຣີ, ສປປ ລາວ.
ນັກຂ່າວ ພົລເມືອງ

ຫ້ອງ​ການຄະນະກວດກາສູນກາງພັກ ແລະ ອົງການກວດກາແຫ່ງຣັຖ ໄດ້ອອກແຈ້ງການ ຈະເປີດນຳໃຊ້ໂທຣະສັບສາຍດ່ວນ ໝາຍເລກ 1525 ຢ່າງເປັນທາງການ ເພື່ອຮັບຟັງຂໍ້ຄິດເຫັນ, ຄຳຮ້ອງ, ຄຳເນີ, ຂໍ້ຂ້ອງໃຈ, ການຕຳນິຕິຊົມ ແລະ ບັນຫາອື່ນໆ ຕໍ່ກັບການຈັດຕັ້ງປະຕິບັດວຽກງານ ວິຊາສະເພາະຂອງພະນັກງານ-ສະມາຊິກພັກ ທົ່ວປະເທດ.

ແຈ້ງ​ການດັ່ງກ່າວ ໄດ້ເຜີຍແຜ່ອອກລົງວັນທີ 27 ເມສາ 2022, ແຕ່ ປະຊາຊົນ ນັກທຸຣະກິຈ ແລະ ເຈົ້າໜ້າທີ່ຣັຖ ເອງກໍຍັງບໍ່ໝັ້ນໃຈວ່າ ການເປີດສາຍດ່ວນດັ່ງກ່າວ ຈະນຳໄປສູ່ການແກ້ໄຂບັນຫາ ທີ່ແທ້ຈິງ.

ປະ​ຊາຊົນຊາວນະຄອນຫລວງວຽງຈັນ ທ່ານນຶ່ງ ໄດ້ກ່າວຕໍ່ວິທຍຸເອເຊັຽເສຣີວ່າ:

ບໍ່ວ່າແຕ່ລະເທື່ອແຫຼ ເພິ່ນເປີດກອງປະຊຸມສະພາແຫ່ງຊາດ ກະເປີດສາຍດ່ວນຢູ່ ສ່ວນຫຼາຍຄົນນີ້ ບໍ່ຢາກໃຊ້ຍ້ອນຫຍັງ ກະຍ້ອນວ່າ ໂທສາຍດ່ວນໄປແລ້ວ ເພິ່ນກະບໍ່ພິຈາລະນາ ໃຫ້ຄຳຕອບອີ່ຫຍັງຫັ້ນນ່າ.

ປະຊາຊົນ ທ່ານນີ້ ກ່າວຕື່ມອີກວ່າ: ຄັນວ່າ ເພິ່ນເວົ້າແທ້ເຮັດແທ້ນຫັ້ນນ່າ ມັນກະເປັນການດີຢູ່ ຄັ້ນຖ້າວ່າ ມີຄົນໂທໄປແລ້ວ ຄັນຖ້າວ່າ ຕອບບັນຫາຂໍ້ຂ້ອງໃຈທີ່ປະຊາຊົນ ມັນເປັນແນວນັ້ນນ່າ ຫັ້ນນ່າ ເຣື່ອສາຍດ່ວນນີ້ ໂທໄປບໍ່ເຫັນພິຈາລະນາເດ້ ເຣື່ອງຂອງມັນ.”

ຫຼາຍ​ຄົນຈະໂທເຂົ້າ ເພື່ອສະແດງຄຳຄິດ ຄຳເຫັນ, ແຕ່ ບັນຫາກໍຄື ເຈົ້າໜ້າທີ່ກ່ຽວຂ້ອງ ຈະສາມາດແກ້ໄຂບັນຫາ ໄດ້ຫຼືບໍ່.

ປະ​ຊາຊົນຢູ່ແຂວງພາກກາທ່ານນຶ່ງ ໄດ້ກ່າວຕໍ່ວິທຍຸເອເຊັຽເສຣີ ວ່າ:

ບໍ່ຮູ້ວ່າເຣື່ອງແກ້ໄຂ ມັນຊິແກ້ໄດ້ຫຼືບໍ່ ການສະແດງຄວາມຄິດ ຄວາມເຫັນ ຫຼາຍຄົນກະອາດຊິສະແດງ ປະຊາຊົນສາມາດທີ່ວ່າຮ້ອງທຸກໄດ້ຫັ້ນນ່າ ຖ້າວ່າມີລະດີ ຖ້າວ່າ ແກ້ບັນຫາໄດ້ກະດີ ຢາກໃຫ້ແກ້ບັນຫາໄດ້ຫັ້ນແຫຼະ.”

ທີ່​ຜ່ານມາຣັບານ ກໍໄດ້ເປີດສາຍດ່ວນ ໃຫ້ປະຊາຊົນໂທເຂົ້າມາສະແດງຄຳຄິດ, ຄຳເຫັນ, ແຕ່ ປະຊາຊົນໂທໄປຫຼາຍຄັ້ງ ກໍບໍ່ມີຄົນຮັບສາຍ ຫຼື ບາງຄັ້ງກໍມີຄົນຮັບຢູ່ ແຕ່ ກໍບໍ່ມີຄົນຮັບສາຍເປັນປົກຕິ.

ເຖິງ​ຢ່າງໃດກໍຕາມ, ບາງຄົນກໍເຫັນວ່າ ການເປີດສາຍດ່ວນ ມັນກໍເປັນຊ່ອງທາງນຶ່ງ ເພື່ອໃຫ້ປະຊາຊົນ ໄດ້ໂທເຂົ້າໄປສະແດງຄຳຄິດເຫັນ ໃນບັນຫາຕ່າງໆ ເພາະວ່າການກວດສອບ ບັນຫາທີ່ເກີດຂຶ້ນພາຍໃນອົງການຂອງຣັຖ ຕ້ອງເປີດໃຫ້ປະຊາຊົນມີສ່ວນຮ່ວມ.

ນັກ​ທຸຣະກິຈ ທ່ານ ນຶ່ງໄດ້ກ່າວ ກ່າວຕໍ່ວິທຍຸເອເຊັຽເສຣີວ່າ:

ໂທຫຼາຍເທື່ອ ແຕ່ເພິ່ນຮັບສາຍມີແຕ່ 3-4 ເທື່ອ ກາຍນັ້ນມີແຕ່ຕູດຕູດໆໆໆໆໆ ອັນສາຍດ່ວນ 1516 ແມ່ນໂທໄດ້ເທື່ອດຽວ ແຕ່ວ່າ ສາຍດ່ວນສະພາ ໃນເວລາປະຊຸມສະພາແມ່ນເພິ່ນຮັບ.”

ນັກ​ທຸຣະກິຈທ່ານນີ້ ກ່າວຕື່ມອີກວ່າ:

ການປາບປາມ ການສໍ້ຣາບັງຫຼວງ ການຄໍຣັບຊັ້ນ ເວົ້າພາສາຊາວບ້ານຄືວ່າ ການໂກງກິນບ້ານ ເຈົ້າບໍ່ໃຫ້ປະຊາຊົນມີສ່ວນຮ່ວມໃຫ້ເຈົ້າເຮັດໄປໂລດ ລ້ານປີເຈົ້າກະບໍ່ສຳເຣັດ ເພາະເຈົ້າບໍ່ແມ່ນຕາໝາກນັດ.” 

ໃນ​ເວລາ ເປີດກອງປະຊຸສະພາແຫ່ງຊາດ ມີການເປີດສາຍດ່ວນສະພາແຫ່ງຊາດ ເພື່ອໃຫ້ປະຊົນໂທເຂົ້າ, ມີການເປີດສາຍດ່ວນຣັບານ ເພື່ອໃຫ້ປະຊາຊົນໂທເຂົ້າ ແລະ ຄະນະກວດກາສູນກາງພັກ ກໍມີການເປີດສາຍດ່ວນ ໃຫ້ປະຊາຊົນໂທເຂົ້າ. ແຕ່ ພະນັກງານຂອງຣັດ້ວຍການເອງ ກໍບໍ່ແນ່ໃຈວ່າ ສາຍດ່ວນດັ່ງກ່າວ ຈມີສິດທິພາບແນວໃດ ແລະ ເຮັດວຽກໄດ້ຫຼາຍນາດໃດ.

ເຈົ້າ​ໜ້າທີ່ກ່ຽວຂ້ອງທ່ານນຶ່ງ ຜູ້ທີ່ບໍ່ປະສົງອອກຊື່ ແລະ ຕຳແໜ່ງ ໄດ້ກ່າວຕໍ່ວິທຍຸເອເຊັຽເສຣີ ວ່າ:

ໂອ້ຍ ຢ່າໄປເວົ້ານຳສາຍດ່ວນບ້ານເຮົານ່າ ຫ້ອງການສູນການພັກຊິມີຫຍັງມີແຕ່ວ່າ ພາຣະບົດບາດຂອງຫ້ອງການສູນກາງພັກກະຣັບານແຈ້ງອອກພວກນີ້ ກະມີແຕ່ແປຄຳສັ່ງວ່າ ຈັດຕັ້ງປະຕິບັດໝົດທໍ່ນັ້ນ ແນວອື່ນກະບໍ່ມີລະ.”

ເຈົ້າ​ໜ້າທີ່ທ່ານນີ້ ກ່າວຕື່ມອີກວ່າ:

ເປັນແນວໃດ ແຕ່ສາຍດ່ວນຣັບານກະຍັງປິດ ເຈົ້າກະໂທເຂົ້າແມ້ປິດໝົດ ສາຍດ່ວນສະພາ ສາຍດ່ວນຣັບານປິໝົດ ບໍ່ມີນ່າ ບໍ່ໄດ້ນ່າ ບໍ່ ບໍ່ໄດ້ດອກ ເຈົ້າລອງໂທເບິ່ງເດີ.”

ປະ​ມານ 10 ປີຜ່ານມາ, ສະພາແຫ່ງຊາດເຄີຍຣາຍງານ ແລະ ເປີດເຜີຍ ວ່າ ມີຄົນໂທເຂົ້າສາຍດ່ວນສະພາແຫ່ງຊາດເກືອບ 300 ສາຍ ໃນເວລາທີ່ເປີດກອງປະຊຸມ ສະພາແຫ່ງຊາດ ເຊິ່ງບັນຫາສ່ວນຫຼາຍກ່ຽວພັນກັບຂໍ້ຂັດແຍ່ງທີ່ດິນ, ແຕ່ຕໍ່ມາກໍບໍ່ມີການເປີດເຜີຍຜົ ຂອງການເປີດສາຍດ່ວນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ