ຕຳຣວດ ປະຕິບັດ ຕາມຄຳຕັດສິນ, ຂໍ້ຂັດແຍ່ງ ທີ່ດິນ

ໄມ​ຊູ​ລີ ແລະ ໄຊ​ຍາ
2021.11.29
Share on WhatsApp
Share on WhatsApp
ຕຳຣວດ ປະຕິບັດ ຕາມຄຳຕັດສິນ, ຂໍ້ຂັດແຍ່ງ ທີ່ດິນ ຊາວບ້ານຜູ້ໄດ້ຮັບແຈ້ງ ຈາກເຈົ້າໜ້າທີ່ຕຳຣວດ ໃຫ້ໂຍກຍ້າຍ ອອກຈາກຕອນດິນ ພາກັນຂໍຄວາມເປັນທັມ
ນັກ​ຂ່າວ ພົ​ລ​ເມືອງ

ເຫດການ ເຈົ້າໜ້າທີ່ຕຳຣວດ ລົງປະຕິບັດໜ້າທີ່ ບັງຄັບໃຫ້ປະຊາຊົນ ຜູ້ຢູ່ອາສັຍ ໃນເຂດ ບ້ານໂພນສີນວນ ເມືອງສີສັຕນາກ 36 ຄອບຄົວ ໃຫ້ຍ້າຍອອກ. ໂດຍເຈົ້າໜ້າທີ່ ຂອງສານ ນະຄອນຫຼວງວຽງຈັນ ໄດ້ອອກມາຖແລງວ່າ ເປັນການປະຕິບັດ ຄຳຕັດສິນ ຂອງສານ.

ໄມ​ຊູລີ: ສະບາຍດີ ທ່ານຜູ້ຟັງ ທີ່ເຄົາຣົບ ຂໍຕ້ອນຮັບ ທ່ານເຂົ້າສູ່ ຣາຍການມາຟັງນຳກັນ. ສຳລັບຫົວຂໍ້ໃນມື້ນີ້ ທີ່ພວກເຮົາ ຈະນຳສເນີນັ້ນ ກໍແມ່ນເຣື່ອງ ກ່ຽວກັບການຂັດແຍ່ງ ທີ່ດິນ. ຄືດັ່ງ ທີ່ທ່ານໄດ້ເຫັນຂ່າວໃນສື່ສັງຄົມ ອ໋ອນລາຍນ໌, ເຈົ້າໜ້າທີ່ຕຳຣວດ ປະຕິບັດຄຳຕັດສິນ ຂອງສານທີ່ດິນ ບ້ານໂພນສີນວນ. ເຊິ່ງເຫດການ ຈະເປັນແນວໃດ ຕິດຕາມ ໃນຣາຍການ ຂອງພວກເຮົາໄດ້. ສຳລັບ ທ່ານໃດ ທີ່ຕ້ອງການເຂົ້າຮ່ວມໃນຣາຍການ ຂອງພວກເຮົາ ກະຣຸນາ ສົ່ງເບີໂທຣະສັບ ຂອງທ່ານໃສ່ ອິນບອກ ເພຈ ອາຣ ເອຟ ເອ ແລ້ວພວກເຮົາ ຈະຕິດຕໍ່ ເພື່ອສັມພາດ ເອົາເນື້ອໃນ ມາອອກຣາຍການ. ສຳລັບ ມື້ນີ້ ດຳເນີນຣາຍການ ໂດຍ ໄມຊູລີ ແລະ ໄຊຍາ.

ໄຊ​ຍາ: ສະບາຍດີ ທ່ານຜູ້ຟັງ ສຳລັບ ປະເດັນໃນມື້ນີ້ ພວກເຮົາ ມາເວົ້າເຖິງເຣື່ອງ ການຂັດແຍ່ງທີ່ດິນ ທີ່ ບ້ານໂພນສີນວນ ເມືອງສີສັຕນາກ ນະຄອນຫຼວງວຽງຈັນ. ເຊິ່ງປະເດັນນີ້ ຖ້າເບິ່ງ ຕາມຮູບການແລ້ວ ແມ່ນເຈົ້າໜ້າທີ່ ກໍປະຕິບັດ ຕາມໜ້າທີ່. ສ່ວນຜູ້ທີ່ອາສັຍ ໃນເຂດດັ່ງກ່າວ ກໍຮັບຮູ້ ແຕ່ຂໍຄວາມເປັນທັມ ໂດຍໃຫ້ມີ ການຊົດເຊີຍ ທັງເງິນ ແລະ ທີ່ດິນ ເປັນຕົ້ນ. ໃນມື້ນີ້ ພວກເຮົາ ກໍໄດ້ສອບຖາມ ແລະ ຕິດຕໍ່ໄປຍັງ ເຈົ້າໜ້າທີ່ ຫຼາຍພາກສ່ວນ ເພື່ອເອົາຫຼັກຖານ ມາຢັ້ງຢືນ ຣາຍງານ ໃຫ້ທ່ານໄດ້ຮັບຟັງກັນ ເທົ່າທີ່ເຮັດໄດ້.

(ເຊີນ​ທ່ານ ຟັງ​ຣາຍ​ລະ​ອຽດ ຈາກ​ສຽງ ທີ່​ໄດ້​ບັນ​ທຶກ​ໄວ້ ຂ້າງ​ເທິງ​ນັ້ນ)

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ