ສະຫະຣັຖ ປະກາດ ໃຫ້ການຊ່ອຍເຫຼືອ ແກ່ປະເທດອາຊ້ຽນ

ອຸ່ນແກ້ວ
2022.05.13
Share on WhatsApp
Share on WhatsApp
ສະຫະຣັຖ ປະກາດ ໃຫ້ການຊ່ອຍເຫຼືອ ແກ່ປະເທດອາຊ້ຽນ ທ່ານ ໂຈ ໄບເດັນ ປະທານາທິບໍດີ ສະຫະຣັຖ ກ່າວຖ້ອຍຖແລງ ໃນລະຫວ່າງການປະຊຸມ ນັດພິເສດ ລະຫວ່າງ ສະຫະຣັຖ-ອາຊ້ຽນ ທີ່ກະຊວງການຕ່າງປະເທດ ສະຫະຣັຖ, ນະຄອນຫຼວງ ວໍຊິງຕັນ ດີ.ຊີ. ວັນທີ 13 ພຶສພາ 2022.
ຮູບພາບ: REUTERS/Leah Millis

ໃນ​ວັນທີ 12 ພຶພາ, ສະຫະຣັຖອເມຣິກາ ປະກາດໃຫ້ການຊ່ວຍເຫຼືອແກ່ ປະເທດອາຊ້ຽນ ເປັນຈຳນວນ 150 ລ້ານ ໂດລ້າຣ໌.

ອີ​ຕາມບົດແລງຂ່າວ ຂອງທາງການສະຫະຣັເມຣິກາ ທີ່ອອກເຜີຍແຜ່ໃນວັນທີ 12 ພຶພາ 2022 ເວລາ 17:30 ຕາມເວລາຢູ່ ວໍຊິງຕັນ ດີ.ຊີ. ຂອງສະຫະຣັຖອາເມຣິກາ, ປະທານາທິບໍດີ ໂຈ ບາຍເດັນ ໄດ້ປະກາດໃຫ້ການຊ່ວຍເຫຼືອ ແກ່ອາຊ້ຽນ ເປັນເງິນຈຳນວນ 150 ລ້ານ ໂດລ້າຣ໌ເພື່ອໄປໝູນໃຊ້ເຂົ້າໃນວຽກງານ ຮັດແໜ້ນຄວາມສຳພັນ ກັບອາຊ້ຽນ, ເສີມສ້າງຄວາມເປັນສູນກາງ ຂອງອາຊ້ຽນ, ແລະ ຂຍາຍຄວາມອາສາມາດ ເພື່ອໃຫ້ບັນລຸຈຸດປະສົງຮ່ວມກັນ.

ແຕ່​ ສຳນັກຂ່າວ ຣອຍເຕີ້ຣ໌ (Reuters) ຂອງກັງກິດ ຣາຍງານ ໃນມື້ດຽວກັນວ່າ: ສະຫະຣັອາເມຣິກາ ປະກາດ ຊ່ວຍເຫຼືອໃຫ້ແກ່ບັນດາປະເທດອາຊ້ຽນ ເປັນຈໍນວນເງິນ 150 ລ້ານໂດລ້າຣ໌ ເພື່ອໃຊ້ເຂົ້າໃນວຽກງານໂຄງສ້າງພື້ນຖານ, ຄວາມໝັ້ນຄົງ, ການປ້ອງການໂຣຄບາດ ແລະ ວຽກງານອື່ນໆ.

ນອກ​ຈາກນີ້, ຍັງມີການຊຸມນຸມ ປະທ້ວງຂອງນັກເຄື່ອນໄຫວ ດ້ານການເມືອງ ຢູ່ອານຸສາວະຣີ ວໍຊິງຕັນ ໃນວັນທີ 12 ພຶດພາ ແລະ ຜູ້ທ້ວງໄດ້ພາກັນຍ່າງໄປປະທ້ວງຢູ່ຕໍ່ໜ້າກະຊວງການຕ່າງປະເທດ​ ສະ​ຫະຣັຖ ໂດຍຜູ້ປະທ້ວງໄດ້ຮຽກຮ້ອງໃຫ້​ ຜູ້​ນຳປະເທດອາຊ້ຽນ ບາງປະເທດ ໃຫ້ປົກຄອງປະເທດ ດ້ວຍປະຊາທິປະໄຕ, ເຄົຣົບສິດທິມະນຸສ ແລະ ໃຫ້ໃຫ້ປະຊາຊົນມີສິດ-ເສຣີພາບ.

ໃນ​ວັນທີ 13 ພຶພາ 2022, ການປະຊຸມໃນວັນທີ 13 ພຶພາ, ຍາ ນາງ ຄະມາລາ ແຮຣ໌ຣິສ (Kamala Harris) ຮອງປະທານາທິບໍດີ ສະຫະຣັຖ ໄດ້ປະຊຸມກັບ ບັນດາຜູ້ນຳອາຊ້ຽນ​ ​ກ່ຽວກັບ​​ບັນຫາສະພາບອາກາດ, ການຫັນປ່ຽນລັງງານທີ່ສະອາດ ແລະ ໂຄງສ້າງພື້ນຖານທີ່ຍືນຍົງ.

ກ່ຽວກັບເຣື່ອງສະພາບອາກາດ ຫຼື ພາວະໂລກຮ້ອນ, ຍານາງ ຄະມາລາ ແຮຣ໌ຣິສ (Kamala Harris) ຮອງປະທານາທິບໍດີ ໄດ້ກ່າວ ຢູ່ໃນທີ່ປະຊຸມ ວັນທີ 13 ພຶພາ ຕອນນຶ່ງວ່າ

ອາຊ້ຽນ ຮູ້ເຖິງ​   ຜົລກະທົບຂອງບັນຫາໂລກຮ້ອນ ເປັນຕົ້ນລະດັບນ້ຳທະເລສູງຂຶ້ນ, ພະຍຸໃຕ້ຝຸ່ນ, ນ້ຳຖ້ວມ ແລະ ໄພແຫ້ງແລ້ງ ເຊິ່ງມັນສ້າງຄວາມເສັຽຫາຍໃຫ້ແກ່ຊີວິດ ແລະ ວິຖີຊີວິດແລະ ມັນກໍສົ່ງຜົກະທົບຕໍ່ ປະຊາຊົນອາຣິກາ ນຳອີກດ້ວຍ.”  

ຍາ​ນາງ ຄະມາລາ ແຮຣ໌ຣິສ (Kamala Harris) ຮອງປະທານາທິບໍດີ ຍັງກ່າວຕື່ມອີກວ່າ:

ໃນເຣື່ອງບັນຫາໂລກຮ້ອນ ພວກເຮົາຈະຕ້ອງ ເຮັດວຽກຮ່ວມກັນ ແລະ ສືບຕໍ່ເຮັດວຽກຮ່ວມກັນ ເພື່ອແກ້ໄຂບັນຫານີ້ ເພື່ອເອົາຊະນະສິ່ງທ້າທາຍ ແລະ ເພື່ອເຮັດວຽກຮ່ວມກັນ ຍ້ອນວ່າ ພວກເຮົາຍັງສືບຕໍ່ດຳເນີນງານ ຈາກລະບຽບການຮູບແບບໃໝ່ ແລະ ຂໍ້ຕົກລົງໃໝ່ ທີ່ພວກເຮົາຈະໄດ້ເຮັດວຽກຮ່ວມກັນ.”

ນອກ​ຈາກນີ້ ຍັງມີປະເດັນທີ່ເກີດຂຶ້ນ ຢູ່ປະເທດລາວ ໃນວັນທີ 13 ພຶດພາ ເຊັ່ນ ຍານາງ ໂຄແມນ ຮອງຜູ້ບໍລິຫານ ຂອງອົງການພັດທະນາສາກົນ ປະເທດສະຫະຣັຖອາເມລິກາ (USAID) ໄດ້ປະກາດໃຫ້ທຶນຊ່ວຍເຫຼືອລ້າ ມູນຄ່າ 3 ລ້ານໂດລ້າຣ໌ສະຫະຣັຖ ໃຫ້ແກ່ໂຄງການສົ່ງເສີມຄວາມອາດສາມາດ ໃນການແຂ່ງຂັນ ແລະ ການຄ້າຂອງ ສປປ ລາວ, ພາຍໃຕ້ການຈັດຕັ້ງປະຕິບັດ ຂອງທະນາຄານໂລກ (World Bank) ປະຈຳລາວ ອີງຕາມຂໍ້ມູນຈາກສະຖາທູດ ອາເມຣິກາ ປະຈຳລາວ.

ການຊ່ວຍເຫຼືອນີ້ຈະໄດ້ມອບທຶນ ໃຫ້ແກ່ບັນດາທຸຣະກິຈ ຈຸລະພາກ, ນ້ອຍ ແລະ ກາງ ເຊິ່ງຈະຊ່ວຍພວກເຂົາເຈົ້າ ໃນການຟື້ນຟູກິຈການ ແລະ ທຸຣະກິຈຂອງພວກເຂົາເຈົ້າ ທີ່ໄດ້ຮັບຜົນກະທົບຈາກການຣະບາດ ຂອງໂຄວິດ-19. ເຊິ່ງທັງໝົດຈະຊ່ວຍໃຫ້ເກີດ ມີການສ້າງວຽກເຮັດງານທຳ ແລະ ຟື້ນຟູເສຖກິຈຂອງ ສປປ ລາວ.

ນອກ​ຈາກນີ້, ຍານາງ ໂຄແມນ ຍັງໄດ້ພົບກັບ ທ່ານ ສະຖາບັນດິດ ອິນສີຊຽງໃໝ່ ຮອງຣັຖມົນຕຣີ ກະຊວງແຜນການ ແລະ ການລົງທຶນ ເພື່ອສົນທະນາກ່ຽວກັບການຮ່ວມມື ທາງດ້ານການພັດທະນາ ລະຫວ່າງ ສປປ ລາວ ແລະ ສະຫະຣັອາເມຣິກາ.

ໃນ​ວັນດຽວກັນນີ້ ທະນາຄານໂລກ ປະຈຳປະເທດລາວ ຍັງໄດ້ອອກບົດແລງຂ່າວ ກ່ຽວກັບເສກິຂອງລາວ: ທະນາຄານໂລກ ໄດ້ຣາຍງານວ່າ ໜີ້ສິນສາທາລະນະ ຂອງລາວສູງຂຶ້ນ ແລະລາຄາສິນຄ້າໃນຕລາດໂລກ ກໍ່ໃຫ້ເກີດຄວາມສ່ຽງ ຕໍ່ສະເຖັຍລະພາບ ດ້ານເສຖກິຈມະຫາພາກ ແລະ ກະທົບຕໍ່ມາຕຖານ ການດຳລົງຊີວິດຂອງປະຊາຊົນ ອີງຕາມຂໍ້ມູນ ຈາກບົດລາຍງານ ເສດຖະກິດ ຂອງ ສປປ ລາວ - ການຟື້ນຟູສະຖຽນລະພາບຂອງເສຖກິຈມະຫາພາກ ເພື່ອສນັບສນູນການຟື້ນໂຕ.  ເສດຖະກິດ ຂອງ ສປປ ລາວ ຄາດວ່າຈະເຕີບໂຕ ໃນອັດຕາ 3.8 ເປີເຊັນ ໃນປີ 2022, ເພີ່ມຂຶ້ນ ຈາກ 2.5 ເປີເຊັນ ໃນປີ 2021 ບົນພື້ນຖານຄາດວ່າ ການເຈຣະຈາໜີ້ສິນ ຈະມີຄວາມຄືບໜ້າທີ່ດີ ແລະ ຈະບໍ່ມີການລອກດາວນ໌ ຫຼື ນໍາໃຊ້ມາຕການປ້ອງກັນ ແລະ ຄວບຄຸມຢ່າງເຄັ່ງຄັດຮອບໃໝ່ ເພື່ອສະກັດກັ້ນການແຜ່ຣະບາດ ຂອງ ໂຄວິດ-19.

ປັດຈຸບັນ ສປປ ລາວ ມີການເກີນດຸນດ້ານການຄ້າ ແລະສືບຕໍ່ດຶງດູດການລົງທຶນຈາກຕ່າງປະເທດ. ຂແນງພລັງງານ ແລະບໍ່ແຮ່ ມີທ່າແຮງໃນການຂະຫຍາຍໂຕ, ໃນຂະນະທີ່ການສົ່ງ ອອກສິນຄ້າກະສິກັມ ແລະຜລິດຕະພັນປຸງແຕ່ງ ແມ່ນໄດ້ຮັບແຮງໜູນ ຈາກຄວາມຕ້ອງການສິນຄ້າ ຈາກຕ່າງປະເທດ ແລະລາຄາສິນຄ້າທີ່ສູງຂຶ້ນ. ຂະແໜງບໍລິການຄາດວ່າ ຈະມີການຟື້ນໂຕເທື່ອລະກ້າວ.

ເຖິງແນວໃດກໍ່ຕາມ, ອັດຕາເງິນເຟີ້ເພີ່ມສູງຂຶ້ນເຖິງ 9.9 ເປີເຊັນ ໃນເດືອນ ເມສາ 2022, ຈາກ 2 ເປີເຊັນໃນປີ 2021, ພ້ອມດຽວກັນນີ້ ການແຜ່ຣະບາດຂອງພະຍາດ ໂຄວິດ-19 ກໍ່ໄດ້ເຮັດໃຫ້ຫລາຍທຸຣະກິຈປິດກິຈການລົງ ແລະ ເຮັດໃຫ້ສູນເສັຍວຽກເຮັດງານທຳ ແລະ ສ້າງຜົນກະທົບຕໍ່ລາຍຮັບຂອງຄົວເຮືອນ.​ ການເພີ່ມຂຶ້ນຂອງລາຄາສິນຄ້າ ໃນຂະນະທີ່ລາຍຮັບພາກຄົວເຮືອນຫລຸດລົງ ໄດ້ເຮັດໃຫ້ຫລາຍຄອບຄົວ ທີ່ມີລາຍຮັບຕໍ່າ ປະເຊີນກັບຄວາມສ່ຽງທີ່ຈະກາຍເປັນ ຄອບຄົວທຸກຍາກ, ໂດຍສະເພາະຜູ້ຢູ່ໃນຕົວເມືອງ.  

ທ່ານ ອາເລັກ ເຄຼເມີ, ຜູ້ຕາງຫນ້າຫ້ອງການທະນາຄານໂລກ ປະຈໍາ ສປປ ລາວ ໄດ້​ກ່າວວ່າ:

ບັນຫາຕ່າງໆ ທີ່ເກີດ ຍ້ອນການປິດປະເທດທີ່ຕໍ່ເນື່ອງກັນເປັນເວລາ 2 ປີ ແລະມາຕການຈໍາກັດຕ່າງໆ ເພື່ອສະກັດກັ້ນ COVID-19 ແມ່ນ ເພີ້ມທະວີຄວາມຮຸນແຮງຂຶ້ນຍ້ອນຜົລກະທົບຈາກການເພີ້ມຂຶ້ນຂອງລາຄາສິນຄ້າ, ໂດຍສະເພາະ ນໍ້າມັນ ແລະອາຫານ, ສ່ວນໜຶ່ງ ແມ່ນຍ້ອນ ສົງຄາມ ໃນປະເທດ ຢູເຄຼນ ແລະ ການອ່ອນຄ່າຂອງເງິນກີບຢ່າງໄວວາ.

ທ່ານ ອາເລັກ ເຄຼເມີ ຍັງ​ກ່າວຕື່ມວ່າ:

ສະພາບການໃນ ສປປ ລາວ ຍິ່ງທ້າທາຍເປັນພິເສດ ເນື່ອງຈາກບັນຫາຫນີ້ສິນສາທາລະນະແລະການເກັບລາຍຮັບທີ່ຍັງບໍ່ໄດ້ດີ. ດັ່ງນັ້ນບູລິມະສິດແມ່ນຄວນເລັ່ງໃສ່ການເກັບລາຍຮັບ ໂດຍການທົບທວນຄືນນະໂຍບາຍການຍົກເວັ້ນພາສີອາກອນໃນໂຄງການລົງທຶນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ຄວາມເຫັນ

ຄຳລຽນ ກອງ ທັບປະຊາຊົນລາວ
May 15, 2022 01:16 AM

ການເດີນທາງໄປຮ່ວມກອງປະຊຸມ ຂອງ ບັນດາປະເທດ ເອຊ່ຽນຕາມຄຳເຊືອເຊີນຂອງປະທານນາທິບໍດີ JOE BIDEN ຂອງ ສະຫະລັດໃນຄັ້ງວັນທີ່ 12/13/ 05-2022 ນີ້ ລາວແລະກຳປູເຈຍເປັນທີ່ສຽງປຽບ ເພາະມີປະຊາຊົນມາປະທ້ວງຕໍ່ໜ້າໂຫ ປະຊຸມທວງໃຫ້ ທ່ານ ຮູນແຊນແລະທ່ານຄຳພັນວີຜັນວັນທັງສອງນາຍົກທີ່ເຄີຍຄາດຕະກຳປະຊາຊົນຂອງ ສອງ ປະເທດຢ່າງໂຫດຮ້າຍປະເຖືອນ. ອີກປະການໜື່ງ ການໃຫ້ເງິນ ຊ່ວຍເຫລືອ 150 ລ້ານໂດລາ ຂອງ ສະຫະລັດແກ່ປະເທດອາຊຽ່ນ ເພືອໄປປ້ອງກັນ ການ ແຜ່ຂະຫຍາຍອິທີຜົນຍາດອານາເຂດຂອງ ສປ ຈິນຢູ່ໃນ ນ່ານນຳ້ ທະເລຈິນໃຕ້ ນັ້ນ, ໂດຽ ສະເພາະ ສປປລາວ ຈະບໍ່ເຫັນດີແລະຈະບໍ່ຮ່ວມມື ເພາະສປປລາວ ແລະ ສປ ຈິນຍັງມີຄວາມສາມະຄີອັນເລິກຊີ່ງແລະດີງາມ.

ເຕັມຫນ້າ