ກອງປະຊຸມ ສຸດຍອດຜູ້ນຳ ອາຊຽນ-ສະຫະຣັຖ

ອຸ່ນແກ້ວ
2022.04.24
Share on WhatsApp
Share on WhatsApp
ກອງປະຊຸມ ສຸດຍອດຜູ້ນຳ ອາຊຽນ-ສະຫະຣັຖ ຮູບພາບສແດງໃຫ້ເຫັນເຖິງ ປະທານາທິບໍດີ ສະຫະຣັຖອາເມຣິກາ ທ່ານໂຈ ໄບເດັນ (Joe Biden) (ຮູບກາງ) ເປັນສ່ວນນຶ່ງໃນການປະຊຸມ ອາຊຽນ-ສະຫະຣັຖ ໃນການປະຊຸມນອກຮອບ ປີ 2021 ຂອງສະມາຄົມ ປະຊາຊາດເອເຊັຽຕາເວັນອອກສຽງໃຕ້ ຈັດຂຶ້ນອອນລາຍນ໌ ຖ່າຍທອດສົດຜ່ານລະບົບ ວີດີໂອ ທາງໄກ ທີ່ເມືອງ ບັນດາຣ໌ ເຊີ້ຣີ ເບີກາວັນ (Bandar Seri Begawan) ປະເທດບຣູໄນ, ວັນທີ 26 ເດືອນຕຸລາ ປີ 2021.
ຮູບພາບ ໂດຍ: AFP Photo/ASEAN Summit 2021

ສຳ​ນັກຂ່າວ BenarNews ໄດ້ຣາຍງານ ວ່າ ໃນກອງປະຊຸມສຸດຍອດຜູ້ນຳອາຊຽນ-ສະຫະຣັຖ ທີ່ມີກຳນົດຈັດຂຶ້ນໃນວັນທີ 12-13 ພຶພາ ຢູ່ວໍຊິງຕັນ ດີຊີ ສະຫະຣັອາເມຣິກາ ຈະບໍ່ເຊີນເອົາ ພົນເອກ ມິນອອງລາຍ ຜູ້ນຳທະຫານພະມ້າ ເຂົ້າມາຮ່ວມ.

ນອກ​ຈາກນີ້ ມີຄາດການວ່າ ປະທານາທິບໍດີ Rodrigo Duterte ຂອງຟິລິປິນສ ທີ່ມີກຳນົດໝົດວາລະການດຳລົງຕຳແໜ່ງ ໃນເດຶອນມິຖຸນາທີ່ຈະມາເຖິງນີ້ ກໍຈະບໍ່ປະກົດຢູ່ໃນທີ່ປະຊຸມເຊັ່ນດຽວກັນ.

ຂ່າວ​ຍັງຣາຍງານວ່າ ນັບແຕ່ໄດ້ດຳລົງດຳແໜ່ງເປັນເວລາ 6 ປີ ປະທານາທິບໍດີ Duterte ບໍ່ເຄີຍມາຢ້ຽມຢາມ ວໍຊິງຕັ້ນດີຊີ ຍ້ອນວ່າ ບັນຄວາມສຳພັນກັບ ສະຫະຣັອາເມຣິກາ.     

ການ​ປະຊຸມທີ່ຈະມີຂຶ້ນ ໃນວັນທີ 12-13 ພຶພາ ລະຫວ່າງ ຜູ້ນຳອາຊຽນ ແລະ ຜູ້ນຳສະຫະຣັຖ ນັ້ນ ເປັນໂອກາດ ທີ່ຈະໄດ້ເພີ່ມທະວີ ການເປັນຄູ່ພາຄີກັນ ແລະ ທັງເປັນການກັດກັ້ນອິທິພົນຂອງຈີນ ທີ່ເຂົ້າມາຢູ່ໃນຂົງເຂດອາຊຽນ.

ຫ້ອງ​ການປະທານາທິບໍດີ ສະຫະຣັຖ ຫຼື The White House ໄດ້ຕັ້ງວິໄສທັດຂອງກອງປະຊຸມນີ້ວ່າ “Free and Open” ທີ່ມີຄວາມໝາຍວ່າ ເສຣີ ແລະ ເປີດກວ້າງ ໃນເຂດອິນໂດ-ປາຊິຟິກ.

ທ່ານ Joe Biden ປະທານາທິບໍດີ ສະຫະຣັອາເມຣິກາ ໄດ້ເຄີຍກ່າວປາໄສ ໃນກອງປະຊຸມສຸດຍອດຜູ້ນຳອາຊຽນ-ສະຫະຣັຖ ໂດຍ ຜ່ານລະບົບວີດີໂອ ໃນວັນທີ 26 ຕຸລາ 2021 ຕອນນຶ່ງວ່າ: ການເປັນຄູ່ຮ່ວມງານກັບຂອງພວກເຮົາ ມີຄວາມສຳຄັນ ໃນການຮັກສາໃຫ້ເຂດ​ Indo-Pacific ມີຄວາມເປັນເສຣີ ແລະ ເປີດກວ້າງ ເຊິ່ງໄດ້ກາຍເປັນພື້ນຖານຄວາມໝັ້ນຄົງຮ່ວມກັນ ແລະ ຄວາມຈະເຣີນຮຸ່ງເຮືອງຂອງພວກເຮົາ ເປັນເວລາຫຼາຍທົສວັດ. ແລະ ສະຫະຣັອາເມຣິກາ ສນັບນູນທັນະຂອງອາຊຽນ ແລະ Indo-Pacific ແລະ ກ່ຽວກັບ​ Indo-Pacific ແລະ ຣະບຽບຂອງຂົງເຂດບົດພື້ນຖານຫຼັກການ ຢ່າງເຕັມທີ່.       

ການ​ປະຊຸມດັ່ງກ່າວ ເປັນການລອງຄວາມສັມພັນສະຫະຣັ-ອາຊຽນ ທີ່ມີມາແຕ່ 1977 ແລະ ຈະເປັນກອງປະຊຸມສຸດຍອດຜູ້ນຳ ອາຊຽນ-ສະຫະຣັຖ ຄັ້ງທີ 2 ທີ່ສະຫະຣັອາເມຣິກາ ໄດ້ເປັນເຈົ້າພາບ ຫຼັັງຈາກກອງຊຸມສຸດຍອດຜູ້ນຳອາຽນ​-ສະຫະຣັຖ ຄັ້ງທີ 1 ໄດ້ຈັດຂຶ້ນຢູ່ຣັຖແຄລິຟໍເນັຽ ສະຫະຣັອາເມຣິກາ ໃນປີ 2016 ໄມຣັບານປະທານາທິບໍດີ Barack Obama ແລະ ໃນເວລານັ້ນ ປະເທດລາວກໍເປັນປະທານວຽກອາຊຽນ.

ສ່ວນ​ວ່າ ນາຍຍົກຣັມົນຣີ ຮຸນເຊນ ຜູ້ນຳກັມພູຊາ ທີ່ຖືກ ສະຫະຣັຄວ້ຳບາດ ຍ້ອນບັນຫາການບໍ່ເຄົາຣົບປະຊາທິປະໄຕ ກໍຈະເຂົ້າຮ່ວມກອງປະຊຸດັ່ງກ່າວ ໃນຖານະປະທານວຽນອາຊຽນ.  

ທ່ານ Chum Sounry ໂຄສົກກະຊວງການຕ່າງປະເທດ ຂອງກັມພູຊາ ໄດ້ກ່າວຕໍ່ ວິທະຍຸເອເຊັຽເສຣີ ຜແນກພາສາກັມພູຊາ ວ່າ: ແນ່ນອນວ່າ ສົມເດັດ ຮຸນເຊນ ນາຍົກຣັມົນຣີ ໃນຖານະປະທານວຽນອາຊຽນ ຈະເປັນປະທານກອປະຊຸມຮ່ວມກັບ ປະທານາທິບໍດີ ສະຫະຣັ.

ໂຄ​ສົກກະຊວງການຕ່າງປະເທດກັມພູຊາ ຍັງໃຊ້ຄຳເວົ້າຍົກຍ້ອງຜູ້ນຳຕົນເອງ ທີ່ເປັນຜູ້ນຳກັມພູຊາມາ 37 ປີ ວ່າ ເປັນນາຍົກຮຸງເຮືອງທີ່ສຸດ, ພ້ອມທັງເປັນຜູ້ບັນຊາການ ທີ່ເຣືອງອຳນາດ ແຕ່ວ່າ ເຈົ້າໜ້າທີ່ແຈ້ງໃຫ້ຮູ້ວ່າ ພົນເອກ Min Aung Hlaing ທີ່ສະຖາປະນາຕົນເອງ ເປັນຜູ້ນຳພະມ້າ ນັ້ນ ບໍ່ຖືກເຊີນໃຫ້ມາຮ່ວມກອງປະຊຸມອາຊຽນ​-ສະຫະຣັ.  

ໂຄ​ສົກກະຊວງການຕ່າງປະເທດ ອິນໂດເນເຊັຽ ກ່າວວ່າ ຂໍ້ຕົກລົງຂອງອາຊຽນ ກໍຄື ຄວນຈະເຊີນເອົາໂຕແທນຈາກພະມ້າທີ່ບໍ່ໄດ້ຈາກຝ່າຍການເມືອງ ແລະ ທ່ານກ່າວໃນວັນອັງຄານວ່າ ປະທານາບໍດີ ອິນໂດເນເຊັຽ ທ່ານ Joko Windodo ມີແຜນເຂົ້າມາຮ່ວມກອງປະຊຸມດັ່ງກ່າວ.   

ສ່ວນ​ວ່າ ຣັມົນຣີຕ່າງປະເທດມາເລເຊັຽ ທ່ານ Saifuddin Abdullah ກໍຢືນຢັນວ່າ ນາຍົກຣັມົນຣີ ມາເລເຊັຽ ທ່ານ Ismail Sabri ຈະເຂົ້າຮ່ວມກອງປະຊຸມຄັ້ງນີ້. ຣັມົນຣີ ຕ່າງປະເທດມາເລເຊັຽ ຍັງໄດ້ກ່າວວ່າ: ທ່ານ ບໍ່ຄິດວ່າ ພະມ້າຈະມີໂຕແທນມຮ່ວມ ແລະ ບໍ່ແນ່ໃຈວ່າ ຣັບານສະຫະຣັຖ ຈະເຊີນພະມ້າ ເຂົ້າຮ່ວມ. ເຖິງຢ່າງໃດກໍຕາມ, ກະຊວງການຕ່າງປະເທດຂອງໄທຍ ໄດ້ກ່າວວ່າ ພົນເອກ Prayuth Chan-o-cha ນາຍົກຣັມົນຣີຂອງໄທຍ ກຳລັງພິຈາຣະນາການເດີນທາງມາຮ່ວມ.

ຢູ່​ວໍຊິງຕັດ ດີຊີ, ໃນວັນພຸດ ທີ່ຜ່ານມາ ໂຄສົກກະຊວງການຕ່າງປະເທດ ສະຫະຣັອາເມຣິກາ ໄດ້ກ່າວວ່າ ປະທານາທິບໍດີ Joe Biden ລໍຖ້າຕ້ອຮັບ ຜູ້ນຳອາຊຽນ ໃນກອງປະຊຸມຄັ້ງນີ້

ໂຄ​ສົກກະຊວງການຕ່າງປະເທດສະຫະຣັຖ ໄດ້ກ່າວວ່າ: ສະຫະຣັອາເມຣິກາ ສນັບນູນ ຂໍ້ຕົກລົງອາຊຽນ ທີ່ຈະເຊີນເອົາ ຜູ້ເຂົ້າຮ່ວມຈາກພະມ້າ ທີ່ບໍ່ແມ່ນໂຕແທນຈາກຝ່າຍການເມືອງ ໃຫ້ມາຮ່ວມກອງປະຊຸມດັ່ງກ່າວ. ສືເນື່ອງມາຈາກ ຝ່າຍທະຫານພະມ້າ ບໍ່ປະຕິຕັດ ຂໍ້ເນີ 5 ຂໍ້ ຂອງອາຊຽນ ໃນການແກ້ໄຂບັນຫາໃນປະເທດພະມ້າ

ປະ​ເທດອາຊຽນ ກັງວົນກັບບັນຫາວິກິການທີ່ເກີດຂຶ້ນຢູ່ພະມ້າ ມາໄດ້ 14 ເດືອນ ເຊິ່ງທະຫານພະມ້າ ໄດ້ຣະເບີດ ແລະ ເຜົາເຮືອນຂອງປະຊາຊົນພະມ້າ ແລະ ໄດ້ຢຶດອຳນາດຈາກຣັບານທີ່ມາຈາກການເລືອກຕັ້ງໃນປີ 2021.

ໃນ​ເດືອນມານາ ທີ່ຜ່ານມາ, ທະຫານພະມ້າ ໄດ້ກີດກັນ ບໍ່ໃຫ້ ທ່ານ Prak Sokhonn ຣັມົນຣີຕ່າງປະເທດກັມພູຊາ ແລະ ທັງເປັນທູດພິເສດຂອງອາຊຽນ ເຂົ້າພົບ ຜູ້ນຳຣັບານຝ່ານພົເຮືອນ ເຊິ່ງເປັນຄວາມພະຍາຍາມທີ່ຈະແກ້ໄຂບັນຫາ ທາງການເມືອງໃນພະມ້າ ແລະ ຕິດຕາມ ພັນທະສັນຍາ ທີ່ຝ່າຍທະຫານພະມ້າ ໄດ້ມີຕໍ່ອາຊຽນ ເພື່ອໃຫ້ສາມາດເຂົ້າຫາທຸຝ່າຍທີ່ກ່ຽວຂ້ອງໃຫ້ພະມ້າ.

ພັນ​ທະສັນຍາດັ່ງກ່າວ ກໍແມ່ນ ຂໍ້ເນີ 5 ຂໍ້ຂອງອາຊຽນ ແລະ ຝ່າຍທະຫານພະມ້າ ຕົກລົງທີ່ຈະປະຕິບັດ ໃນກອງປະຊຸມສຸກເສີນ ຢູ່​ Jakarta ອິນໂດເນເຊັຽ ໃນເດືອນເມສາ 2021 ທີ່ຜ່ານມາ ທີ່ມີການຫາລືເຣື່ອງວິກິການຫຼັງຈາກຣັປະຫານຢູ່ພະມ້າ. ຫຼັງຈາກນັ້ນ ອາຊຽນ ກໍບໍ່ເຊີນເອົາຜູ້ນຳທະຫານ ພະມ້າມາຮ່ວມກອງປະຊຸມອາຊຽນ ໃນທ້າຍປີ 2021 ຍ້ອນວ່າ ທະຫານພ້ມ້າ ບໍ່ຕິບັດຕາມຂໍ້ເນີຂອງອາຊຽນ ໃນການແກ້ໄຂບັນຫາ ໃນປະເທດຂອງຕົນ.

ໃນ​ວັນອັງຄານທີ່ຜ່ານມາ, ໂຄສົກຂອງສະພາທະຫານພະມ້າ ທ່ານ Zaw Min Tun ໄດ້ກ່າວວ່າ ຝ່າຍທະຫານພະມ້າ ບໍ່ຖືກເຊີນມາ ຮ່ວມປະຊຸມສຸດຍອດອາຊຽນ ຢູ່ ວໍຊິງຕັນ ດີຊີ ແລະ ເຂົາເຈົ້າຈະເຂົ້າຮ່ວມ ຖ້າວ່າ ເຂົເຈົ້າມີສະຖານເປັນໂຕແທນທີ່ເທົ່າທຽມກັບຄົນອື່ນ.  

ທ່ານ Zaw Min Tun ຍັງກ່າວຕື່ມວ່າ ຄືທີ່ຜ່ານມາ ພວກເຮົາສາມາດເຂົ້າຮ່ວມ ກັບບາງຄົນທີ່ບໍ່ມີຕຳແໜ່ງທາງການເມືອງ ພວກເຮົາກໍຈະບໍ່ເຂົ້າຮ່ວມກອງປະຊຸມໃດໆ ທັງໝົດ. ພວກເຮົາຈະເຂົ້າຮ່ວມກັບ ຜູ້ທີ່ມີຕຳແໜ່ງເທົ່າທຽມກັນເທົ່ານັ້ນ.

ພະ​ມ້າຖືກ ຖືກສະຫະຣັຄວ້ຳບາດ ແລະ ມີການອາຍັດຊັບສິນ ນັແຕ່ມີການຣັປະຫານ ລວມທັງມີການຍົກລະດັບການຈຳກັດ ເພື່ອຕໍ່ຕ້ານ ພົນເອມິນອອງລາຍ ຜູ້ນຳທະຫານພະມ້າ. ແຕ່ ບໍ່ມີການຈຳກັດ  ທ່ານ Duterte ປະທານາທິບໍດີ ຟິລິປີນສ໌ ທີ່ເປັນພັນທະມິດ ຂອງສະຫະຣັຖ ໝາຍເຖິງ ທັງສອງປະເທດໄດ້ມີພັນທະສັນຍາຕໍ່ກັນ ທາງດ້ານການທະຫານ ຖ້າວ່າ ມີປະເທດໃດນຶ່ງຖືກໂຈມຕີ ແລະ ປະເທດໄທຍ ກໍເຊັ່ນດຽວກັນ.

ອີກ​ເຫດຜົນຶ່ງ ກໍຄື ຜູ້ນຳຟິລິປິນສ໌ ຕ້ອງງົດການເດີນທາງ ມາຮ່ວມກອງປະຊຸມອາຊຽນ-ສະຫະຣັຖ ກໍຄື ການປະຊຸມ ວັນທີ 12-13 ພຶພາ ຢູ່ໃນຊ້ວງເວລາການເລືອກຕັ້ງ ຂອງຟິລິປິນສ໌ ໃນວັນທີ 9 ພຶພາ 2022 ທີ່ຈະມາເຖິງນີ້ ເຊິ່ງມັນເປັນເວລາທີ່ໃກ້ຄຽງກັນ ເພາະວ່າ ຕາມຫຼັກປະຕິບັດຂອງຜູ້ນຳຟິລິປິນສ໌ ທຸກຄົນ ຈະຕ້ອງຫຼີກລ້ຽງການເດີນທາງ ໄປຕ່າງປະເທດ ໃນຊ້ວງໄລຍະການເລືອກຕັ້ງ ໂດຍສະເພາະເລືອກຕັ້ງປະທານາທິບໍດີ ອງປະເທດ ແລະ ປະທານາທິບໍດີ ຄົນປັດຈຸບັນຂອງຟິລິປິນສ໌ ກຳລັງຈະໝົດວາລະໄປ.

ແຕ່​ໃນສ່ວນຂອງປະເທດລາວ, ຍັງບໍ່ມີແຈ້ງການຢ່າງເປັນທາງການ ໃນການເຂົ້າມາຮ່ວມກອງປະຊຸມສຸດຍອຜູ້ນຳອາຊຽນ-​ສະຫະຣັໃນຄັ້ງນີ້ ແລະ ຍັງບໍ່ມີແລງການວ່າ ບຸກຄົນທີ່ຈະເຂົ້າຮ່ວມນີ້ ຈະເປັນປະທານປະເທດ ຫຼື ນາຍົກຣັມົນຣີ. ແຕ່ເຈົ້າໜ້າທີ່ທາງກາລາວ ທ່ານນຶ່ງ ໄດ້ກ່າວຕໍ່ວິທຍຸເອເຊັຽເສຣີ ວ່າ ຕາມປົກກະຕິແລ້ວ ຖ້າໃນນາມກອງປະຊຸມອາຊຽນ ກໍຕ້ອງແມ່ນ ນາຍົກຣັມົນຕຣີເຂົ້າຮ່ວມ ນອກຈາກວ່າ (ປະເທດ) ລາວຈະເປັນເຈົ້າພາບ ຫຼື ເຈົ້າພາບຮ່ວມ ປະທານປະເທດລາວ ກໍຈະມາຮ່ວມເປີດ. ເຖິງຢ່າງໃດກໍຕາມ, ກໍຍັງບໍ່ທັນມີການຕອບຮັບ ຢ່າງເປັນທາງການວ່າ ໂຕແທນຂອງລາວ ທີ່ຈະເຂົ້າມາຮ່ວມຄັ້ງນີ້ ຈະເປັນບຸກຄົນລະດັບໃດ.

ໃນກອງ​ປະຊຸມສຸດຍອດຜູ້ນຳອາຊຽນ-ສະຫະຣັຖ ທີ່ຈັດຂຶ້ນຢູ່ ຣັແຄລິຟໍເນັຽ ສະຫະຣັອາເມຣິກາ ໃນປີ 2016, ທ່ານ ຈູມມາລີ ໄຊຍະສອນ ອະດີດປະທານປະເທດລາວ ຕາງໜ້າໃຫ້ປະເທດລາວ ໃນຖານະປະທານວຽນອາຊຽນ ໄດ້ມາເປັນປະທານກອງປະຊຸຮ່ວມກັບ ທ່ານ Barack Obama ອະດີດປະທານາທິບໍດີ ສະຫະຣັອາເມຣິກາ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ