ອຸປະທູດຢູເຄຣນ ຖແລງຂ່າວ ຕໍ່ສື່ມວນຊົນລາວ

ອຸ່ນແກ້ວ
2022.05.01
Share on WhatsApp
Share on WhatsApp
ອຸປະທູດຢູເຄຣນ ຖແລງຂ່າວ ຕໍ່ສື່ມວນຊົນລາວ ທ່ານອຸປະທູດ ສຖານທູດ ຢູເຄຣນ ປະຈຳປະເທດໄທຍ, ສປປ ລາວ ທີ່ມີສຳນັກງານຢູ່ປະເທດໄທຍ ໄດ້ຈັດໃຫ້ມີການ ການຖແລງຂ່າວ ອັບເດດ ຂໍ້ມູນ ສຖານະການ ສົງຄາມຣັສເຊັຽ ໃນຢູເຄຣນ ໂດຍແມ່ນທ່ານ Peter Haymond ເອກອັກຄະຣາຊທູດສະຫະຣັຖ ປະຈຳປະເທດລາວ ເປັນຜູ້ດຳເນີນການຖແລງຂ່າວ.
ຮູບພາບ: U.S. Embassy in Vientiane

ໃນ​ວັນທີ 29 ເມສາ ທີ່ຜ່ານມາ, ທ່ານ Oleksandr Lysak ອຸປະທູດສະຖານທູດ ຢູເຄຣນ ປະຈຳປະເທດໄທຍ ໄດ້ແລງຂ່າວ ຕໍ່ສືມວນຊົນລາວ ໂດຍຜ່ານຣະບົບວີດີໂອທາງໄກ ກ່ຽວກັບການຣັເຊັຽຮຸກຮານທາງການທະຫານຕໍ່ປະເທດຢູເຄຣນ.

ງານຖ​ແລງຂ່າວ ຈັດຂຶ້ນຢູ່ນະຄອນຫລວງວຽງຈັນ ໂດຍ ມີເຈົ້າໜ້າທີ່ໂຕແທນຈະະຖານທູດ ສະຫະຣັອາເມຣິກາ ແລະ ສະຫະພາບຢູໂຣບ ປະຈຳລາວ ແລະ ສື່ມວນຊົນລາວເຂົ້າຮ່ວມ​.  

ທ່ານ Oleksandr Lysak ອຸປະທູດຢູເຄຣນ ໄດ້ແລງວ່າ: ເປັນເວລາຫຼາຍກວ່າສອງເດືອນແລ້ວ ທີ່ຣັສເຊັຽໄດ້ເຣີ່ມການຮຸກຮານ ທາງການທະຫານຕໍ່ປະເທດອູແກຣນ ຫຼື ຢູເຄຣນ. ໃນຂະນະທີ່ຂ້າພະເຈົ້າກຳລັງກ່າວຢູ່ໃນເວລານີ້, ການຕໍ່ສູ້ເພື່ອຢູແຄຣນ ຢູ່ທີ່ດອນບາສ (Donbas) ກໍາລັງມີຄວາມຮຸນແຮງ, ແຜນຮຸກຮານເດີມຂອງຣັສເຊັຽ ທີ່ມີເປົ້າໝາຍເພື່ອຍຶດຄອງເມືອງຄຽບ (Kyiv), ຄາຣ໌ຄິຟ (Kharkiv) ແລະ ໂອເດສຊາ (Odesa) ພ້ອມກັນ ແລະ ໂດຍມີເປົ້າໝາຍເພື່ອປ່ຽນແປງ ອຳນາດໃນຢູເຄຣນນັ້ນ, ແມ່ນບໍ່ສຳເຣັດ.

ຖ​ແລງການໄດ້ຊີ້ໃຫ້ເຫັນວ່າ: ຝ່າຍຣັສເຊັຽໄດ້ຈັດກຸ່ມ ທະຫານໃຫຍ່ຄືນໃໝ່ ໄປຍັງພາກຕາເວັນອອກຂອງປະເທດອູແກຣນໂດຍມີເປົ້າໝາຍເພື່ອຍຶດຄອງ ດິນແດນທັງໝົດໃນເຂດໂດເນສຄ໌ (Donetsk) ແລະ ລູຮານຄ໌ (Luhansk) ແລະ ກໍ່ເພື່ອຮັກສາດິນແດນທີ່ແຫຼມໄຄຣເມຍ (Crimea) ທົ່ວເມືອງມາຣີອູພົນ (Mariupol), ຈົນເຖິງວັນທີ 9 ພຶດສະພາ (ເຖິງຈະມີຂ່າວກ່ອນໜ້ານີ້ວ່າ ບໍ່ມີເຫດການໃດໆ ເກີດຂຶ້ນໃນເຂດຂອງຢູເຄຣນ). ໃນຂະນະດຽວກັນ, ຣັສເຊັຽຍັງຄົງສືບຕໍ່ ຍິງຂີປະນາວຸດ ແລະ ລະເບີດໂຈມຕີໂຄງລ່າງ [ຮ່າງ] ພື້ນຖານທາງການທະຫານ ແລະ ພົນລະເຮືອນຂອງຢູເຄຣນ.

ໃນ​ຕອນທ້າຍ ຂອງແລງການ ອຸປະທູດ ຢູເຄຣນ ປະຈຳປະເທດໄທໄດ້ຮຽນຮ້ອງໃຫ້ຣັບານລາວປະນາມຣັສເຊັຽ ໂດຍ ທ່ານ ຖແລງວ່າ: ພວກເຮົາຮຽກຮ້ອງໃຫ້ຣັດຖະບານ ສປປ ລາວ ກ່າວປະນາມການຮຸກຮານ ທາງການທະຫານຂອງຣັສເຊັຽ ແລະ ເຂົ້າຮ່ວມການ ຂວ້ຳບາດສາກົນ ຕໍ່ຣັສເຊັຽ. ປະຊາຊົນ ຢູເຄຣນ ຫວັງວ່າ ປະຊາຊົນລາວ ຈະສະໜັບສະໜູນປະເທດຢູເຄຣນ, ໃຫ້ການຊ່ວຍເຫຼືອທາງມະນຸສທັມ ແລະ ສືບຕໍ່ປະກອບສ່ວນເພື່ອສັນຕິພາບ.

ຜູ້​ເຂົ້າຮ່ວມງານແລງຂ່າວດັ່ງກ່າວ ມີບັນດານັກຂ່າວ ແລະ ຜູ້ຕາງໜ້າສື່ມວນຊົນຂອງລາວ, ທ່ານ Peter Haymond ເອກອັກຄະຣາຊທູດອາເມລິກາ ປະ​ຈຳລາວ ແລະ ຍານາງ Ina Marciulionyte ເອກອັກຄະຣາຊທູດ ສະຫະພາບ ຢູ​ໂຣບປະຈຳລາວ.

ແມ່​ຍິງຄົນນຶ່ງອາຍຸ 45 ປີ ຢູ່ເມືອງ Mariupol ປະເທດຢູເຄຣນ ບ່ອນທີ່ມີການຕໍ່ສູ້ຣົບກັນໜັກໜ່ວງ ໄດ້ກ່າວຕໍ່ສຳນັກຂ່າວ Reuters ຂອງອັງກິດວ່າ: ມັນເປັນຕາຢ້ານຫຼາຍ ມັນຄືກັນກັບຢູ່ໃນໜັງທີເວົ້າເຖິງມື້ສຸດທ້າຍຂອງວັນສິ້ນໂລກ ຄືກັນກັບສິ່ງທີ່ເກີດຂຶ້ຢູ່ທີ່ນີ້. ພວກເຮົາຫິວເຂົ້າ ເດັກນ້ອຍຮ້ອງໃຫ້ ໃນເວລາທີ່ລຸກປືນໃຫຍ່ຕົກລົງມາໃກ້ກັບເຮືອນ ພວກເຮົາກຳລັງຄິດວ່າ ນີ້ຄົງຈະເປັນການອາວະສານຂອງໂລກ.”   

ເຖິງ​ຢ່າງກໍຕາມ, ນັບແຕ່ ຣັເຊັຽໃຊ້ກຳລັງທະຫານເຂົ້າມາ​​ບຸກໂຈມຕີ ປະເທດຢູເຄຣນ, ຣັບານລາວ ບໍ່ໄດ້ມີທ່າວ່າຈະອອກມາປະນາມຣັສເຊັຽ ໃນເວທີສາກົນແຕ່ຢ່າງໃດ.

ອົງ​ການຂ້າຫຼວງໃຫຍ່ສະຫະປະຊາຊາດ ໄດ້ລົງຄະແນນສຽງ ໃຫ້ຈະ ຫຼື ລະງັບບົດບາດຂອງປະເທດຣັສເຊັຽ ຢູ່ສະພາສິດທິມະນຸສ ໃນວັນທີ 7 ເມສາ ທີ່ຜ່ານມາ.

ການ​ລົງຄະແນນສຽງໃຫ້ການໂຈະຫຼື ລະງັບບົດບາດ ປະເທດຣັສເຊັຽ ຢູ່ໃນ ສະພາສິດທິມະນຸສ ໄດ້ມີຂຶ້ນ ໃນວັນທີ 7 ເມສາ 2022 ຢູ່ New York ສະຫະຣັອາເມຣິກາ ຫຼັງຈາກທີ່ມີການກ່າວຫາວ່າ ທະຫານຣັສເຊັຽ ໄດ້ທຳການສັງຫານໝູ່ ປະຊາຊົນຢູເຄຣນ ຢູ່ເມືອງ Bucha ທີ່ຢູ່ໃກ້ກັບ ນະຄອນຫລວງ Kyiv ຂອງປະເທດ ຢູເຄຣນ ອີງຕາມຂໍ້ຈາກອົງກາສະຫະປະຊາຊາດ ຫຼື United Nations.

ສໍ​ນັກຂ່າວ​​ຕ່າງປະເທດ ຫຼາຍສຳນັກໄດ້ຣາຍວ່າ ມີ ການສັງຫານປະຊາຊົນຢູເຄຣນເກືອບ 1,000 ຄົນ ໂດຍທະຫານຣັສເຊັຽ ນັບແຕ່ວັນທີ່ ທະຫານຣັສເຣີ່ມບຸກເຂົ້າຍຶດເມືອງ Bucha.

ອົງ​ການຂ້າຫຼວງໃຫຍ່ສະຫະປະຊາຊາດ ມີສະມາຊິກທັງໝົດ 193 ປະເທດ ໃນນັ້ນມີ 93 ປະເທດ ໄດ້ລົງຄະແທນສຽງເຫັນດີໃຫ້ໂຈະ ບົດບາດຂອງຣັເຊັຽ ຢູ່ໃນສະພາສິທິມະນຸ, ມີ 24 ປະເທດ ເຊິ່ງມີປະເທດລາວ ຢູ່ໃນນັ້ນ ລົງຄະແນນສຽງຄັດຄ້ານ, ແລະ 58 ປະເທດງົດອອກສຽງ.

ທ່ານ Antony Blinken ຣັ​ຖ​ມົນ​ຕ​ຣີ ຕ່າງ​ປະ​ເທດ ສະ​ຫະ​ຣັ​ຖ​ອາ​ເມ​ຣິ​ກາ ໄດ້​ກ່າວ​ຕໍ່​ມິດ​ທະ​ມິດຢູ​ໂຣບ ວ່າ ສະ​ຫະ​ຣັ​ຖ​ອາ​ເມ​ຣິ​ກາ ເຊື່ອ​ວ່າ ສົງຄາມ​ຣັສ​ເຊັຽ​ ໃນຢູ​ເຄຣນ ຈະ​ແກ່​ຍາວ​ໄປຮອດ​ທ້າຍ​ປີ 2022 ອີງ​ຕາມ​ການ​ຣາຍ​ງານ​ຂອງ​ສຳ​ນັກ​ຂ່າວ CNN.

279067954_363531252486932_8787055356595448761_n.jpg
ທ່ານອຸປະທູດ ສຖານທູດ ຢູເຄຣນ ປະຈຳປະເທດໄທຍ, ສປປ ລາວ ທີ່ມີສຳນັກງານຢູ່ປະເທດໄທຍ ໄດ້ຈັດໃຫ້ມີການ ການຖແລງຂ່າວ ອັບເດດ ຂໍ້ມູນ ສຖານະການ ສົງຄາມຣັສເຊັຽ ໃນຢູເຄຣນ ໂດຍແມ່ນທ່ານ Peter Haymond ເອກອັກຄະຣາຊທູດສະຫະຣັຖ ປະຈຳປະເທດລາວ ເປັນຜູ້ດຳເນີນການຖແລງຂ່າວ (ຮູບພາບ ໂດຍ: U.S. Embassy in Vientiane).

ເຈົ້າ​ໜ້າ​ທີ່ຢູ​ໂຣບ ສອງ ທ່ານ ໄດ້​ກ່າວ​ຕໍ່ ນັກ​ຂ່າວ CNN ວ່າ ສະ​ຫະ​ຣັ​ຖ ແລະ ຢູ​ໂຣບ ໄດ້​ປະ​ເມີນ ວ່າ ສົງ​ຄາມ​ຈະ​ບໍ່​ຈົບ​ໃນ​ເວ​ລາ​ອັນ​ສັ້ນ​ນີ້

ເຈົ້າ​ໜ້າ​ທີ່ຫຼາຍ​ທ່ານ ທີ່​ໄດ້​ກ່າວ​ຕໍ່ ນັກ​ຂ່າວ CNN ວ່າ ມັນ​ຍາກ​ທີ່​ຈະ​ຄາດ​ຄະ​ເນ​ໄດ້​ແທ້ໆ ວ່າ ສົງ​ຄາມ​ຈະ​ແກ່​ຍາວ​ໄປ​ອີກ​ດົນ​ປານ​ໃດ ແຕ່​ວ່າ ເຈົ້າ​ໜ້າ​ທີ່​ຫຼາຍ​ຄົນ ກໍ​ກ່າວ​ວ່າ ມັນ​ບໍ່​ມີ​ສັນ​ຍາ​ນວ່າ ປະ​ທານ​ທິ​ບໍ​ດີ ວາ​ລາ​ເດ​ເມັຽ ປູ​ຕິນຂອງ​ຣັ​ດ​ເຊັຽ ຈະ​ປ່ຽນ​ເປົ້າ​ໝາຍ ແລະ ບໍ່​ມີ​ທ່າ​ທີ​ວ່າ ຈະ​ມີ​ການ​ເຈ​ຣະ​ຈາ​ທາງ​ການ​ທູດ ຖ້າ​ ຣັສ​ເຊັຽຍັງ​ບໍ່​ຊະ​ນະ​ສົງ​ຄາມ.  

ມີ​ຄົນ​ໃຫ້​ທັ​ສ​ນະ ວ່າ ສົງ​ຄາມ​ທີ່ມັນ​​ແກ່​ຍາວນັ້ນ ມາ​ຈາກ​ການ​ທີ່​ຣັ​ສເຊັຽ ພະ​ຍາ​ຍາມ​​ຍຶດ​ນະ​ຄອນ​ຫລວງ Kyiv ຂອງ ຢູ​ເຄຣນ ໃນ​ເວ​ລາ ​ທີ່​ຣັສ​ເຊັຽ​ ໃຊ້​ກຳ​ລັງ​ທະ​ຫານບຸກ ປະ​ເທດ​ຢູ​ເຄຣນ ໃນ​ເບື້ອງ​ຕົນ, ແຕ່ ຄວາມ​ພະ​ຍາ​ຍາມ ຍຶດ​ນະ​ຄອນ​ຫລວງ Kyiv ຂອງ​ທະ​ຫານ​ຣັສ​ເຊັຽ ກໍ​ປະ​ສົບ​ຄວາມ​ຫຼົ້ມ​ແຫຼວ ຢູ່​ໃນສນາມ​ຣົບ.

ສົງ​ຄາມ​ຍິ່ງ​ແກ່​ຍາວ ທໍ່​ໃດ ຄວາມ​ຮຸນ​ແຮງ​ທີ່​ເກີດ​ຂຶ້ນ​ຕໍ່​ປະ​ຊາ​ຊົນ ຢູ​ເຄຣນ ກໍ​ຍິ່ງ​ຫຼາຍ​ເທົ່າ​ນັ້ນ. ໃນ​ຂະ​ນະ​ທີ່ ເຈົ້າ​ໜ້າ​ທີ່ ກ່າວ​ເນັ້ນ​ວ່າ ສາ​ກົ​ນ ກໍຍັງ​ສືບ​ຕໍ່​ໃຫ້​ການ​ສ​ນັບ​ສ​ນູນ ຢູ​ເຄຣນ ແລະ ເຂົາ​ເຈົ້າ​ຍອມ​ຮັບ​ວ່າ ການ​ດຳ​ເນີນ​ການ​ຊ່ວຍ​ເຫຼືອ​ທາງ​ດ້ານ​ວາ​ວຸດ​ໃຫ້​ແກ່ ຢູ​ເຄຣນ ເປັນ​ເຣື່ອງ​ທີ່​ທ້າ​ທາຍ​ຫຼາຍ ໂດຍ ສະ​ເພາະ​ເຂົາ​ເຈົ້າ ຕ້ອງ​ໄດ້​ເຂົ້າ​ມາ​ກ່ຽວ​ຂ້ອງ ​ກັບ​ສົງ​ຄາມ​ໂດຍ​​ຕ​ຣົງ.

ທ່ານ Jake Sullivan ທີ່​ປຶກ​ສາ​ດ້ານ​ຄວາມ​ໝັ້ນ​ຄົງ ແຫ່ງ​ຊາດຂອງ​ສະ​ຫະ​ຣັ​ຖ  ໄດ້​ກ່າວ​ ວ່າ ການ​ສູ້​ຣົບ​ກັນ​ໃນ ຢູ​ເຄຣນ ຈະ​ແກ່​ຍາວ ແລະ ຈະ​ດຳ​ເນີນ​ໄປ​ເປັນ​ເວ​ລາ​ຫຼາຍ​ເດືອນ ຫຼື ຍາວກວ່າ​ນັ້ນ.

ສະ​ມາ​ຊິກ​ສະ​ພາ Congress ຫຼາຍ​ທ່ານ ແລະ ຜູ້​ຊ່ວຍ​ຂອງ​ຕົນ ໄດ້​ປຽບ​ທຽບ​ສົງ​ຄາມ​ຣັສ​ເຊັຽ-ຢູ​ເຄຣນ ຄື​ກັບ​ສົງ​ຄາມ​ເກົາ​ຫຼີ ເຊິ່ງ​ແກ່​ຍາວ​ໄປ​ເປັນ​ເວ​ລາ 3 ປີ.

ເຈົ້າ​ໜ້າ​ທີ່​ສະ​ຫະ​ພາບ​ຢູ​ໂຣບ ຄົນ​ອື່ນໆ ເຊື່ອ​ວ່າ ການ​ສູ້​ຣົບ​ກັນ ຢູ່​ພາກ​ຕາ​ເວັນ​ອອກ​ຂອງ​ຢູ​ເຄຣນ ບ່ອນ​ທີ່​ທະ​ຫານ​ຣັສ​ເຊັຽ ​ເປີດ​ການ​ໂຈມ​ຕີ​ນັ້ນ ຈະ​ແກ່​ຍາວ​ໄປ 4 – 6 ເດືອນ ແລະ ຈະ​ເຮັດ​ໃຫ້​ເກີດ​ທາງ​ຕັນ ທີ່ບໍ່​ສາ​ມາດ​ເຈ​ຣະ​ຈາ​ກັນ​ໄດ້.

ແຕ່​ໃນ​ເວ​ລາ​ດຽວ​ກັນ ຝ່າຍ​ຣັສ​ເຊັຽອ້າງວ່າ: ບໍ່​ໄດ້​ເຂົ້າ​ມາ​ກໍ່​ສົງ​ຄາມໃນ​ປະ​ເທດ​ຢູ​ເຄຣນ ແຕ່ ເປັນການ​ປະ​ຕິ​ບັດ​ການ​ພິ​ເສ​ດ​ທາງ​ການ​ທະ​ຫານ​ເທົ່າ​ນັ້ນ ເພື່​ອເຂົ້າ​ມາ​ປົກ​ປ້ອງປະ​ຊາ​ຊົນສ່ວນ​ນຶ່ງ​ ທີ່​ເວົ້າ​ພາ​ສາ​ຣັສ​ເຊັຽ ຢູ່​ໃນ​ປະ​ເທດ​ຢູ​ເຄຣນ.

ຝ່າຍ​ຣັ​ສເຊັຽ ​ຍັງອ້າງ​ວ່າ: ປະ​ຊາ​ຊົນ​ທີ່​ໃຊ້​ພາ​ສາ​ຣັສ​ເຊັຽ ໄດ້ຖືກ ​ກຸ່ມ​ນິ​ຍົມ​ຂວາ​ຈັດ ຫຼື ທີ່​ເອີ້ນ​ກັນ​ວ່າ Neo-Nazis ໃນ​ປະ​ເທດ​ຢູ​ເຄຣນ ເຂັ່ນ​ຂ້າ ແລະ ປະ​ຊາ​ຊົນ​ທີ່​ເວົ້າ​ພາ​ສາ​ຣັສ​ເຊັຽ ໂດຍສະ​ເພາະ​ຢູ່​ເຂດໂດເນ​ສ ແລະ ອູ​ຮັນ​ຄ໌ ແລະ ຕ້ອງ​ການ​ເປັນ​ຣັ​ຖ​ເອ​ກະ​ຣາດ ສະ​ນັ້ນ ຣັສ​ເຊັຽ​ຈຶ່ງ​ເຂົ້າ​ມາ​ຊ່ວຍ​ເຫຼືອ​ເພື່ອ​ປົດ​ປ່ອຍ.

ການ​ຕໍ່​ສູ້​ລະ​ຫວ່າງ ທະ​ຫານຣັສ​ເຊັຽ ແລະ ທະ​ຫານ​ຢູ​ເຄຣນ ກໍ​ຍິ່ງ​ເພີ່ມ​ທະ​ວີ​ຄວາມ​ຮຸນ​ແຮງ​ຂຶ້ນ.

ຫຼ້າ​ສຸດມື້ນີ້ ວັນ​ທີ 29 ເມ​ສາ 2022, ສຳ​ນັກ​ຂ່າວ​ CNN  ໄດ້​ຣາຍ​ງານ​ວ່າ ສະ​ຫະ​ຣັ​ຖ​ອາ​ເມ​ຣິ​ກາ ໄດ້​ເຣີ່ມ​ຝຶ​ກ​ອົບ​ຮົມ​ໃຫ້​ທະຫານ​ຢູ​ເຄຣນຢູ່​ປະ​ເທດເຢັຍ​ຣະ​ມັນ ກ່ຽວ​ກັບ​ການ​ຕິດ​ຕັ້ງ​ອາ​ວຸດ.

ທ່ານ John Kirby ເຈົ້າ​ໜ້າ​ທີ່​ສະ​ຫະ​ຣັ​ຖ ໄດ້​ກ່າວ​ວ່າ ສິ່ງ​ດັ່ງ​ກ່າວ​ເປັນ​ຄວາມ​ພະ​ຍາ​ຍາມ​ຝຶກ​ອົບ​ຮົມ​ໃຫ້​ທະ​ຫານ​ຢູ​ເຄຣນ ການ​ໃຊ້​ປືນ​ໃຫຍ່​ ຂັ້ນ​ເຣີ່ມ​ຕົ້ນ ທີ່​ເຂົາ​ເຈົ້າ​ໄດ້​ຮັບ​ມາ ແລະ ລວມ​ທັງ​ການ​ໃຊ້​ລະ​ບົບ​ເຣ​ດ້າ ແລະ ຮົ​ຖ​ທ​ະ​ຫານ ເຊິ່ງ​ເປັນ​ສ່ວນ​ນຶ່ງ​ຂອງ​ຊ່ວຍ​ເຫຼືອ​ທາງ​ດ້ານ​ຄວາມ​ໝັ້ນ​ຄົງ.

ທ່ານ John Kirby ຍັງ​ກ່າວ​ວ່າ: ປະ​ເທດ​ເຢັຍຣະ​ມັນ ເປັນ​ນຶ່ງ​ໃນ 3 ປະ​ເທດ ທີ່​ຖືກ​ນຳ​ໃຊ້​ເຂົ້າ​ໃນ​ການ​ຝຶກ​ທະ​ຫານ ຂອງ​ສະ​ຫະ​ຣັ​ຖ​ອາ​ເມ​ຣິ​ກາ ແຕ່ ບໍ່​ໄດ້​ລະ​ບຸ​ຊື່​ອີກ 2 ປະ​ເທດ​.      

ນອກ​ຈາກນີ້ ທຳນຽບຂາວ ຫຼື The White House ໄດ້ສເນີ ໃຫ້ອິນໂດເນເຊັຽ ທີ່ເປັນເຈົ້າພາບຈັດກອງປະຊຸມ G20 ທີ່ມາເຖິງນີ້ ຄວນຕັດປະເທດຣັສເຊັຽອອກ ບໍ່ໃຫ້ມາເຂົ້າຮ່ວມກອງປະຊຸມນຳ.

ກອງ​ປະຊຸມ G20 ເປັນກອງປະຊຸມ ຂອງບັນດາປະເທດທີ່ມີເສກິຈ ໃຫຍ່ທີ່ສຸດໃນໂລກ ແລະ ເປັນເວທີການປຶກສາຫາລື ກ່ຽວກັບບັນຫາເສກິຈ ເຊິ່ງກອງປະຊຸມດັ່ງກ່າວ ໄດ້ເຣີ່ມດຳເນີນການມາແຕ່ປີ 1999 ຈົນມາເຖິງປັດຈຸບັນ.

ເຣື່ອງທີ່ເບິ່ງຫຼາຍ
ເອເຊັຽອາຄະເນ
ທະຫານພະມ້າ ສັ່ງຂັງດ່ຽວ ອອງ ຊານ ຊູ ຈີ
ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ຄວາມເຫັນ

Lao military officer
May 04, 2022 10:13 PM

Lao people military , the defense minister and the lao governments are facing to Russia. Mr chansamone and Russia counter parts were quietly talking in the lao defense ministry office last month in Vientiane. Lao is strongly support the Russian. The u s.a ambassador to lao is supported to Ukraine government and military to fight Russian .

ເຕັມຫນ້າ