ເຣື້ອງທີ່ເກັບບັນທຶກໄວ້
2022-06-15
ຄຣູອາສາສມັກ ທ່ານນຶ່ງ ທີ່ສອນຢູ່ໂຮງຮຽນປະຖົມ ບ້ານດົງຄັນຈ້ອງ ເມືອງຊົນນະບູຣີ ແຂວງສວັນນະເຂດ ໄດ້ 8 ປີ ໂດຍທີີ່ບໍ່ໄດ້ຮັບເງິນເດືອນ ຫຼື ເງິນອຸດໝູນໃດໆ ຕັດສິນໃຈລາອອກ ເພື່ອໄປປະກອບອາຊີບອື່ນ ຍ້ອນບໍ່ໄດ້ຮັບໂອກາດ ເຂົ້າເປັນຣັຖກອນຄຣູໃນປີນີ້.
2022-06-14
ຕໍາຣວດໄທຍ ຈັບເຄືອຂ່າຍ ຄ້າອາວຸດປືນເຖື່ອນ ຂ້າມຊາດ ໄດ້ 16 ຄົນ, ໃນນັ້ນ ນາງຝ້າຍ ອາຍຸ 32 ປີ ແມ່ຍິງລາວ ທີ່ມີສ່ວນຮ່ວມ ໃນຂບວນການ ໂດຍເຈົ້າໜ້າທີ່ສາມາດ ຍຶດປືນເຖື່ອນ ໄດ້ທັງໝົດ 100 ກະບອກ ສ່ວນແມ່ຍິງລາວດັ່ງກ່າວ ຈະຖືກດຳເນີນຄະດີ ຕາມກົດໝາຍໄທຍ.
2022-06-06
ໂຄຕ້າຣ໌ ການບັນຈຸອັດຕຣາ ຄຣູເຂົ້າເປັນຣັຖກອນ ໜ້ອຍລົງທຸກປີ ເຮັດໃຫ້ຈຳນວນຄຣູອາສາ ທີ່ບໍ່ໄດ້ຮັບເງິນເດືອນເພີ່ມຂຶ້ນ ຫຼືຕົກຄ້າງຈາກການ ບັນຈຸເປັນຣັຖກອນ, ສ່ວນໃນປີ 2022 ນີ້ ມີການຮັບ ແລະບັນຈຸຄຣູເປັນຣັຖກອນ ໃນທົ່ວປະເທດ ມີພຽງແຕ່ 318 ຄົນເທົ່ານັ້ນ.
2022-05-18
ມີການປັບປຸງ ຫຼັກສູດການສຶກສາຂອງລາວ ຮອດຊັ້ນປະຖົມປີທີ 4 ແລ້ວ ເຊິ່ງໃນການປັບປຸງຫຼັກສູດ ການສຶກສາທີ່ວ່ານີ້ ຣັຖບານອອສເຕຣເລັຍ ຊ່ອຍປັບປຸງວິທີ ການສອນຂອງຄຣູ ແລະຂຽນປຶ້ມຫຼັກສູດໃນການສອນ ໃຫ້ນັກຮຽນກ້າສແດງອອກຫຼາຍຂຶ້ນ.
2022-04-29
ກອງທຶນຫຼຸດຜ່ອນ ຄວາມທຸກຍາກ ເປັນກອງທຶນ ທີ່ສນັບສນູນ ໃຫ້ເກີດໂຄງການຕ່າງໆ ເພື່ອຊ່ອຍໃຫ້ ແມ່ຍິງລາວ ສາມາດເບິ່ງແຍງ ລູກອ່ອນ ໃຫ້ມີສານອາຫານພຽງພໍ, ມີສຸຂພາບແຂງແຮງດີ ໂດຍສະເພາະກຸ່ມແມ່ຍິງ ທີ່ຢູ່ເຂດ ຊົນນະບົດຫ່າງໄກ ອີກຢ່າງນຶ່ງກອງທຶນຍັງໄດ້ ຊ່ອຍໃຫ້ຊາວບ້ານ ມີນ້ຳສະອາດໃຊ້ ຊຶ່ງກໍຊ່ອຍໃຫ້ລົດ ການເຈັບປ່ອຍ ໄດ້ໃນລະດັບນຶ່ງ ແລະເດັກນ້ອຍ ໃນໄວຮຽນ ໄດ້ເຂົ້າໂຮງຮຽນ.
2022-04-08
ສົກຮຽນປີນີ້ ຈຳນວນນັກຮຽນ ທີ່ອອກໂຮງຮຽນ ຫຼືປະລະການຮຽນ ເພີ່ມຂຶ້ນ ເກີນຄວາມຄາດໝາຍ ຂອງກະຊວງສຶກສາທິການ ແລະກິລາ, ສ່ວນສາຍເຫດ ຄາດວ່າຄວາມທຸກຍາກ ຂອງເດັກໃນໄວຮຽນ ທີ່ຢູ່ເຂດຫ່າງໄກສອກຫຼີກ ເປັນສາຍເຫດໃຫຍ່.
2022-04-07
ສາວຂາຍບໍຣິການທາງເພດ ຖືຶກເຈົ້າໜ້າທີ່ ສຶກສາອົບຮົມ ພ້ອມກັນນັ້ນ ເຈົ້າຂອງຮ້ານບັນເທີງ ທີ່ມີການຂາຍບໍຣິການ ໂສເພນີ ຍັງຖືກຂຶ້ນບັນຊີ, ດຳເນີນການລົງໂທດ ພ້ອມກັບເຮັດບົດບັນທຶກ ສຶກສາອົບຮົມ, ປັບໃໝ ແລະສັ່ງຫ້າມເປີດຮ້ານ ແອບແຝງ ຂາຍບໍຣິການ ທາງເພດອີກ.
2022-03-29
ຄົນຈີນທຳຮ້າຍຮ່າງກາຍຄົນລາວ ເກີດຂຶ້ນໃນປະເທດລາວ ເປັນປະຈຳ ຊຶ່ງກໍ່ມີທັງຜູ້ຊາຍຈີນຕີກັບຜູ້ຊາຍຄົນລາວ ແລະຫຼາຍເທື່ອກໍແມ່ນ ຜູ້ບ່າວຈີນຕີແມ່ຍິງລາວ ເຖິງຢ່າງກໍຕາມ ມີຫຼາຍເທື່ອ ທີ່ຜູ້ກະທຳຜິດ ບໍ່ໄດ້ຮັບການລົງໂທດ ຕາມກົດໝາຍລາວ.
2022-03-25
ທາຣົກຍິງ-ຊາຍ ອາຍຸ ນັບແຕ່ 0-23 ເດືອນ ແລະ ແມ່ຍິງ ໃນ 44 ບ້ານເປົ້າໝາຍ ຢູ່ເມືອງຕະໂອ້ຍ ແຂວງສາຣະວັນ ໄດ້ຮັບການຊ່ວຍເຫຼືອ ຈາກສາກົລ ທາງດ້ານບໍຣິຫານສຸຂພາບ, ໂພຊະນາການ, ນໍ້າສະອາດ ແລະ ສຸຂອະນາມັຍ ຫລັງຈາກ ຮ້ອງຂໍມາເຫິງນານ.
2022-03-25
ຕໍາຣວດ ນະຄອນຫລວງວຽງຈັນ ແກ້ໄຂບັນຫາ ການຄ້າປະເວນີ ແລະສຶກສາອົບຮົມ ແມ່ຍິງທີ່ຂາຍ ບໍຣິການທາງເພດ 112 ຄົນ, ໃນນັ້ນ ໄດ້ສຶກສາອົບຮົມ 18 ຮ້ານ ແລະ ມີຮ້ານທີ່ຖືກ ດໍາເນີນຄະດີ 4 ຮ້ານ.
2022-03-21
ຄອບຄົວ ຂອງຜູ່ທີ່ເສັຽຊີວິດ ພາຍຫຼັງອອກລູກ ຢູ່ໂຮງໝໍແຂວງສວັນນະເຂດ ໄດ້ຍື່ນໜັງສືຮ້ອງທຸກ ໄປຍັງຜແນກ ສາທາຣະນະສຸກແຂວງ ເພື່ອໃຫ້ສືບສວນຫາ ສາເຫດ ຂອງການເສັຽຊີວິ ຜູ່ທີ່ເປັນລູກສາວ.
2022-03-17
ກຸ່ມ ຍິງ-ຊາຍ 9 ຄົນ ແລະ ຄົນຈີນອີກ 1 ຄົນ ຖືກເຈົ້າໜ້າທີ່ ດໍາເນີນຄະດີແລ້ວ ໃນຂໍ້ຫາຖ່າຍທອດສົດ ທັງຮູບ ແລະວີດີໂອລາມົກ ອານາຈານ ອອກສື່ສັງຄົມອອນລາຍນ໌ ຊຶ່ງກຸ່ມຄົນດັ່ງກ່າວ ແມ່ນມີອາຍຸ ຕັ້ງແຕ່ 18-36 ປີ.
2022-03-15
ເດັກນ້ອຍ ອາຍຸຕໍ່າກວ່າ 2 ປີ ຢູ່ແຂວງສາຣະວັນ ທີ່ໄດ້ຮັບການຊ່ອຍເຫລືອ ດ້ານອາຫານ, ແຕ່ເຄິ່ງນຶ່ງຍັງຂາດ ສານອາຫານ ເຮັດໃຫ້ຮ່າງກາຍ ເດັກນ້ອຍ ເຕີບໂຕ ບໍ່ໄດ້ມາຕຖານ ເຊັ່ນລວງສູງ ແລະ ນ້ຳໜັກ ຖ້າທຽບໃສ່ ອາຍຸຂອງເດັກ ແມ່ນຕ່ຳກວ່າ ມາຕຖານ.
2022-03-08
ໂຮງຮຽນສາມັນ ກິນນອນຊົນເຜົ່າ ເມືອງນໍ້າບາກ ຢູ່ແຂວງຫຼວງພຣະບາງ ຍັງຕ້ອງການ ຄວາມຊ່ອຍເຫຼືອຫຼາຍຢ່າງ ເປັນຕົ້ນງົບປະມານ ດ້ານອາຫານ ແລະອື່ນໆ ເພື່ອຊ່ອຍເຫຼືອນັກຮຽນ ບັນດາເຜົ່າ ເຂົ້າໂຮງຮຽນແຫ່ງນີ້ ເນື່ອງຈາກ ງົບປະມານ ທີ່ພາກຣັຖຊ່ອຍເຫຼືອ ບໍ່ພຽງພໍ.
2022-03-07
ແມ່ຍິງລາວຍັງ ໄດ້ຮັບຄວາມ ບໍ່ເປັນທັມ ຈາກຄວາມບໍ່ສເມີພາບ ກັບຜູ້ຊາຍ, ປະເຊີນກັບ ຄວາມຮຸນແຮງ ແລະ ການຄ້າມະນຸດຢູ່ ເຖິງແມ່ນທາງການລາວ ເວົ້າມາຕລອດ, ຮວມທັງໃນໂອກາດ ວັນແມ່ຍິງສາກົນ, ວ່າ ຈະພະຍາຍາມ ຫລຸດຜ່ອນ ແລະລົບລ້າງບັນຫາ ດັ່ງທີ່ກ່າວມາ ນັ້ນກໍຕາມ.
