ເຂື່ອນແມ່ນໍ້າຂອງ ທີ່ບ້ານກຸ່ມ ບໍ່ຄຸ້ມຄ່າ

ໂຄງການ ກໍ່ສ້າງເຂື່ອນ ໃສ່ແມ່ນໍ້າຂອງ ໃນເຂດ ບ້ານກຸ່ມ ເມືອງຂົງຈຽມ ແຂວງອຸບົນ ຂອງໄທ ບໍ່ຄຸ້ມຄ່າ ທາງດ້ານເສຖກິດ ແລະ ສີ່ງແວດລ້ອມ.
ຈໍາປາທອງ ຣາຍງານ
2008.06.21
Share on WhatsApp
Share on WhatsApp

ທີ່​ບາງ​ກອງ ວັນ​ທີ 19 ມິຖຸນາ​ນີ້ ຮອງ​ ສາສດາ​ຈານ-ດອກ​ເຕີ ນັນທະ​ນາ ຄົດ​ເສນີ ອາຈານ​ປະ​ຈໍາ​ ຄະນະ ​ວິທະຍາສາດ ມະຫາວິທະຍາ​ໄລ ຈຸລາ​ລົງ​ກອນ ​ເຜີຍ​ວ່າ  ຈາກການ​ສຶກສາ-ວິ​ໃຈ ຄວາມ​ເປັນ​ໄປ​ໄດ້​ ເບື້ອງ​ຕົ້ນ ກ່ຽວກັບ ​ໂຄງການ​ກໍ່ສ້າງ​ເຂື່ອນ ​ໃສ່​ແມ່​ນໍ້າຂອງ ​ໃນ​ເຂດ​ບ້ານ​ກຸ່ມ ​ເມືອງ​ຂົງຈຽມ ​ແຂວງ​ອຸບົນ ທີ່​ຄະນະ​ ກໍາມະການ ​​ແມ່​ນໍ້າຂອງ ​ໄດ້​ວ່າ​ຈ້າງ ​ບໍຣິສັດ​ທີ່​ປຶກສາ ​ເພື່ອ​ສຶກສາ-ວິ​ໃຈ​ນັ້ນ,  ​ໂຄງການ​ ດັ່ງກ່າວ ​ຈະ​ໄດ້ໄຊ້ ງົບປະມານ ​ໃນ​ການ​ລົງທຶນ ກໍ່ສ້າງ ຈໍານວນ 2,193 ລ້ານ ​ໂດ​ລາ​ ສະຫະຣັດ, ​ແລະ ​ເຫັນ​ວ່າ ການ​ສຶກສາ ວິ​ໃຈນັ້ນ ຍັງ​ບໍ່​ໄດ້​ຮວມ​ເອົາ ​ຜົນ​ເສັຽຫາຍ​ ທີ່​ອາດ​ເກີດ​ຂຶ້ນ ຕໍ່​ສີ່​ງ​ແວດ​ລ້ອມ ມາ​ເຂົ້າ​ນໍາ ​ຕົ້ນ​ທຶນ ​ຂອງ​ໂຄງການ ນັ້ນດ້ວຍ ​ອັນເຮັດ​ໃຫ້ ​ໂຄງການ ​ດັ່ງກ່າວ ມີ​ຕົ້ນ​ທຶນ ​ຕໍ່າ​ກວ່າ ຄວາມ​ເປັນ​ຈິງ​ຫລາຍ ຈົນ​ຄ້າຍ​ກັບ​ວ່າ ​ໂຄງການ​ນີ້ ມີ​ຄວາມ​ຄຸ້ມຄ່າ ທາງ​ດ້ານ​ເສດຖະກິດ.

ທ່ານ ​​ເວົ້າ​ຕໍ່​ໄປ​ວ່າ ​ໂດຍ ​ທໍາ​ມະ​ຊາດ​ແລ້ວ ຕົ້ນ​ໄມ້​ ຈະ​ເປັນ​ສີ່​ງ ດຶງດູດ ​ເອົາ gas carbon dioxide. ​ແລະ​ ໂຄງການ​ ກໍ່ສ້າງ​ເຂື່ອນ ບ້ານ​ກຸ່ມ​ນີ້ ມີ​ຕົ້ນ​ໄມ້ ​ຈໍານວນ 116 ຊນິດ ທີ່​ຈະ​ໄດ້​ຮັບ​ຜົນ​ກະທົບ. ​ເມື່ອ​ສຶກສາ-ວິ​ໃຈ ​ໂຄງການ ​ດັ່ງກ່າວ ​ອີກຄັ້ງ​ນຶ່ງ ​ໂດຍ​ຮວມ​ເອົາ​ ຄ່າປາລິ​ມານ carbon ທີ່​ຈະ​ສູນ​ເສັຽ​ໄປ ​ຍ້ອນຕົ້ນ​ໄມ້ ຈະ​ຖືກ​ທໍາລາຍ ​ເປັນ​ຕົ້ນ​ທຶນ​ ຂອງ​ໂຄງການ​ນໍາແລ້ວ ​ເຫັນວ່າ ​ໂຄງການ​ນີ້ ບໍ່​ມີ​ຄວາມ​ຄຸ້ມ​ຄ່າ ທາງ​ດ້ານ ເສດຖະກິດ ເລີຍ.

ນອກຈາກ​ນັ້ນ ຍັງ​ພົບ​ວ່າ ການ​ອະນຸ​ຮັກ ​ຕົ້ນ​ໄມ້ ຍັງ​ເປັນ​ ການ​ຊ່ວຍ​ເກັບກັກ carbon ຈາກ​ບັນຍາກາດ ມາ​ໄວ້​ ໃນ​ຕົ້ນ​ໄມ້ ​ແລະ ​ຍັງ​ຊ່ວຍ​ ຜ່ອນຄາຍ ພາວະ​ໂລກ​ຮ້ອນ ​ໄດ້​ອີກ​ທາງ​ນຶ່ງ ນໍາ​ດ້ວຍ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ