ມູນຄ່າ ການກໍ່ສ້າງເຂື່ອນ ໃນລາວ ສູງຂຶ້ນ

ການໄຟຟ້າ ຝ່າຍຜລິດ ແຫ່ງປະເທດໄທ ຫລື EGat ຣະບຸວ່າ ໄທ ອາດຈະຊື້ ໄຟຟ້າ ຈາກລາວ ໃນຣາຄາສູງ ໃນອະນາຄົດ ເປັນເພາະວ່າ ວັສດຸ ການກໍ່ສ້າງ ຂື້ນຣາຄາ ໃນການສ້າງເຂື່ອນໄຟຟ້າ ໃນລາວ.
ຊິດນີ ຣາຍງານ
2008.07.15
Share on WhatsApp
Share on WhatsApp

ທ່ານ ພອນ​​ໄຊ ຣຸສີ​ປະພາ, ​ເອກ​ອະທິບໍດີ ກະຊວງ ພະລັງ​ງານ ​ຂອງ​ໄທ ພ້ອມ​ທັງ ​ເປັນປະທານ ບໍຣີຫານ ການ​​ໄຟຟ້າ ​ຝ່າຍ​ຜລິດ​ ແຫ່ງ​ປະ​ເທດ​ໄທ ​ເວົ້າວ່າ ຣາຄາ ຕົ້ນທຶນ​ແພງ ​ໃນ​ການ​ສ້າງ​ເຂື່ອນ ​ໃນ​ທີ່​ສຸດ ບໍຣີສັດ ຜູ້​ກໍ່ສ້າງ ​ກໍ່​ມາ​ເຈຣະຈາ​ກັບ ອົງການ Egat ​ເພື່ອຂຶ້ນຣາຄາ ​​ໄຟຟ້າ ຈາກ​ເຂື່ອນ​​ໄຟຟ້າ 4 ​ແຫ່ງ ​ທີ່​ອົງການ Egat ລົງ​ນາມ ກັບ​ ລາວ, ​ໃນ​ນັ້ນ ກໍ່​ມີ​ເຂື່ອນ​​ໄຟຟ້າ ນ້ຳງຽບ, ນ້ຳອູ ,ນ້ຳ​ເທີນ​ນື່ງ ​ແລະ​ນ້ຳງື່ມ 3 ​ເປັນ​ຕົ້ນ.

ທ່ານ​ວ່າ ຫລັງ​ຈາກ ​​ໂອ້​ລົມ ​ກັບ​ຝ່າຍ​ລາວ ກ່ຽວ​ກັບ ​ການ​ຂຶ້ນຣາຄາ ວ່າງ​ມໍ່​ໆ ມາ​ນີ້ ທາງ​ການ​ລາວ ຍັງ​ຈະ​ເລື່ອນ​ເວລາ ​ໃນ​ການ​ສົ່ງ ກະ​ແສ​​ໄຟຟ້າ ມາ​ໄທ ​ໄປ​ອີກ​ນື່ງປີ ຕາມ​ທີ່​ກຳນົດ​​ໄວ້ ​ໃນ​ປີ 2023. ​ທາງ​ການ​ລາວ​ ກໍ່​​ສ​ເນີ ປະຣີມານ ການ​ຂາຍ​​ໄຟ້ຟ້າ ​ເພີ້​ມ​ໃຫ້​ໄທ​ອີກ ປະມານ ນື່ງພັນ​ ເມກ​ກາ​ວັດ ຈາກ​ເຂື່ອນ​​ໄຟຟ້າ ທີ່ຈະ​ສ້າງ ​ໃນ​ເຂດ​ພາກ​ໃຕ້​ຂອງລາວ. 

​ໃນ​ຂະນະ​ດຽວກັນ ບໍຣີສັດ ​​ໄຟຟ້າ ຣາສບຸຣີ ກໍ່​ໄດ້​ຕົກລົງ​ ຮ່ວມ​ຫຸ້ນ ​ກັບ ບໍຣີສັດ​ ​ລຸ່ມ​ແມ່ນ້ຳຂອງ​ລາວ, ບໍຣີສັດ ມາຣຸບີ​ນິ ຂອງ​ຍີ່​ປຸ່ນ ​ແລະ ບໍຣີສັດ ຣັດວິ​ສາ​ຫາ​ກິດ ​​ໄຟຟ້າ​ລາວ ​ເພື່ອຕັ້ງ ບໍຣີສັດ​ ບໍຣີຫານ ​ແລະ​ຜລີດ​ໄຟຟ້າ ຈາກ​ເຂື່ອນ​ໄຟຟ້າ ​ນ້ຳ​ງື່ມ 3 ຢ່າງ​ເປັນ​ທາງ​ການ ຊື່​ງບໍຣີສັດ ຣາສບຸຣີ ຈະຖື​ຫຸ້ນ 25%, GMS Laos 27%, Marubeni 25%​ ແລະ ​ບໍຣີສັດ ຮ່ວມຫຸ້ນ ຣັດວີ​ສາ​ຫາ​ກິດ ​​ໄຟຟ້າ​ລາວ 23%.
ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ