ການໂຍກຍ້າຍ ປະຊາຊົນ ຈາກໂຄງການ ຫົງສາ ລິກໄນທ໌

ການໂຍກຍ້າຍ ປະຊາຊົນ ທີ່ໄດ້ຮັບຜົລກະທົບ ຈາກໂຄງການ ຜລິດໄຟຟ້າ ຫົງສາລິກໄນທ໌ ໄປຢູ່ບ້ານພັທນາແຫ່ງໃຫມ່ ຈະມີຂື້ນ ໃນທ້າຍປີນີ້ ດ້ວຍງົປມານ ຊ່ອຍເຫລືອ ຄ່າຊົດເຊີຍ ເຖີງ 16 ລ້ານໂດລາ.
ຊິດນີ ຣາຍງານ
2008.10.21
Share on WhatsApp
Share on WhatsApp

ທ່ານ ສົມ​ມີ ​ໄຊ​ຍະຣາດ ຫົວຫນ້າ​ ຫ້ອງ​ການ ​ຊັພຍາກ​ອນນ້ຳ​ ແລະ ​ສະພາບ​ແວ້​ດລ້ອມ ​ແຂວງ​ໄຊ​ຍະ​ບຸຣີ ​​ໄດ້​ເປີດ​ເຜີຍ​ ເຖີງຄວາມ​ຄືບ​ຫນ້າ ​ຂອງ​ແຜນການ​ ໂຍກ​ຍ້າຍ ​ຊາວບ້ານ ​ປະມານ 390 ຄອບຄົວ ອອກ​ຈາກ​ບໍຣີ​ເວນ ​ໂຄງການ​ຜລິດ​ໄຟຟ້າ ຫົງ​ສາລີ​ກ​ໄນທ໌ ຂອງ​ບໍຣີສັດ ​ໄຟຟ້າ ຣາຊບຸຣີ​ ຂອງ​ໄທ ຊື່​ງກຳນົດ ​​ໃນ​ການ​ໂຍກ​ຍ້າຍ​ ໃນ​ທ້າຍ​ປີ​ນີ້ວ່າ:

“ຊ່ວງ​ນີ້ ຂະ​ເຈົ້າ ​ກໍ່​ມີ​ການ​ກະ​ຕຽມ​ແລ້ວ ຖ້າວ່າ​ ທາງ​ບໍຣີສັດ​ນີ້ ​ເຮັດ​ເຮືອນ​ພັກ ​ແມ່ນ​ຫຍັງ ​ເປັນ​ທີ່ຮ້ຽບຮ້ອຍ​ແລ້ວ ຂະ​ເຈົ້າ ກໍ່​ມີ​ການ​ໂຍກ​ຍ້າຍ ທະຍອຍ​ໄປ​ບ່ອນຊຸມ​ຊົນ​ໃຫມ່ ຕາມ​ແຜນ​ ກໍ່​ວ່າ​ທ້າຍ​ປີ.”

ທ່ານ​ກ່າວ​ ເພີ້​ມອີກ​ວ່າ ບໍຣີສັດ ຣາຊບຸຣີ ຜູ້​ລົງ​ທືນ ມີ​ແຜນການ ​ສ້າງ​ບ້ານ​​​ໃຫມ່ ​ໃນ​ບໍຣິ​ເວນ ບ້ານ​ນາ​ຈານ​ແລະ​ ບ້ານ​ນາມະໂລ້ນ ​ເຂດ​ເມືອງ​ຫົງ​ສາ ​ເພື່ຮອງຮັບ ຊາວບ້ານ ກວ່າ 390 ຄອບຄົວ, ປະຊາຊົນ ​ສ່ວນ​​​ໃຫຍ່ ຈະ​ແມ່ນ​ຊາວລື້ ​ແລະ ​ລາວ​ເທີ​ງ, ນອກຈາ​ກ ການ​ປຸກ​ ທີ່​ຢຸ່ອາສັຍ​ ໃຫ້​ແກ່​ພວກ​ຂະ​ເຈົ້າ​ແລ້ວ ທາງ​ບໍຣີສັດ ຍັງ​ຈະ​ປຸກ ​ໂຮງຫມໍ ​ໂຮງຮຽນ ສຸຂສາລາ ​ແລະ​ ຈັດ​ຫາ​ພື້ນທີ່ ​ທຳ​ມາ​ຫາ​ກີ​ນ ​ໃຫ້​ແກ່​ພວກ​ຂະ​ເຈົ້າ ນຳອີກ ດ້ວຍ​ງົປມານ 16 ລ້ານ​ໂດ​ລາ.

ບໍຣີສັດ ດັ່ງ​ກ່າວ ນອກຈາກ ຈະໂຍກ​ຍ້າຍ​ ຊາວບ້ານ​ແລ້ວ ກໍ່ຍັງ​ ຈະ​ມີການ​ຈັດ​ສັນ ​ທີ່​ພັກ ຂ​ອງຄົນ​ງານ ຕັ້ງຫ້ອງການ ​ແລະ ການຈັດ​​ພື້ນທີ່ ສຳລັບ​ ການ​ກໍ່ສ້າງ ໂຄງການ ​ໄຟຟ້າ ​ຖ່ານ​ຫີນ​ຫົງ​ສາ ຄາດ​ວ່າ ບໍຣີສັດ ຈະ​ສາມ​າດ ຂຸດ​ຄົ້ນຖ່ານ​ຫີນ ​ຂື້ນ​ມາ​​ໃຊ້ ​ໃນ​ການ​ຜລີດ​ໄຟ​ຟ້າ​ໄດ້ ​ໃນ​ປີ 2012 ທີ່​ມີ​ອາຍຸ​ການ ​ສຳ​ປະທານ ​ເປັນ​ເວລາ 30 ​ປີ​ກັບ ຣັຖບານ​ລາວ ​ເລີ້ມ​ແຕ່ ​ປີ 2009 ​ເປັນຕົ້ນ​ໄປ. ໂຄງການ​ ດັ່ງກ່າວ ສາມ​າດ ຜລິດ​ກະ​ແສ ​ໄຟຟ້າ​ໄດ້ ປະມານ 1,800 ​ເມ​ກາ​ວັດ ດ້ວຍ​ການລົງທືນ ປະມານ ນື່ງພັນ​ລ້ານ​ໂດ​ລາ.


ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.